“Prezident İlham Əliyevin müvafiq Sərəncamına əsasən, Şuşa şəhəri 1 nömrəli tam orta məktəbin bərpası artıq yekunlaşıb. Məktəb 2024-2025-ci tədris ilindən fəaliyyətə başlayacaq”.
Ednews xəbər verir ki, bunu jurnalistlərə açıqlamasında Şuşa şəhəri 1 nömrəli tam orta məktəbin direktoru Səbinə Gözəlova deyib.
O qeyd edib ki, müasir standarlara cavab verən Şuşa şəhəri 1 nömrəli tam orta məktəb 960 şagird yerlikdir, 3 mərtəbə, 5 blokdan ibarətdir. Məktəbdə 24 nəfərlik 40 sinif otağı var: “Təhsil müəssisəsində, həmçinin kitabxana, oxu zalı, STEAM mərkəzi, gənclərin ibtidai hərbi hazırlığı, musiqi, tibb və iaşə kabinetləri var.
