Cenevrə Qlobal Media Mərkəzi (CQMM) və Beynəlxalq Avrasiya Mətbuat  Fondu (BAMF) Birləşmiş Millətlər Təşkilatının Cenevrə qərargahında qarşılıqlı anlaşma haqqında Memorandum imzalayıblar. Memorandumun məqsədi dünya üzrə KİV-lərin fəaliyyətinin inkişafı və obyektiv məlumatların yayılması üçün əsaslar yaratmaq, jurnalistikanın etibarlılığını dəstəkləmək, tərəflər arasında bilik və təcrübə mübadiləsini təşviq etmək, həmçinin  BMT-nin və digər beynəlxalq təşkilatların təşkil etdiyi tədbirlərin işıqlandırılması üzrə jurnalistlər üçün təlim kursları təşkil etməkdir. Bu əməkdaşlıq həmçinin dünya miqyasında sülhün, qarşılıqlı anlaşmanın və dayanıqlı inkişafın təşviqinə yönəlib.

Cenevrə Qlobal Media Mərkəzi (CQMM) — 2010-cu ildə beynəlxalq səviyyədə KİV-lərin inkişafını təşviq etmək məqsədilə Cenevrədə fəaliyyətə başlayan müstəqil qeyri-hökumət tədqiqat mərkəzidir. Mərkəz peşəkar jurnalistlər tərəfindən təsis edilib.

1992-ci ildə təsis olunan "Ursia" Beynəlxalq Jurnalistika Mərkəzi isə sülhün təşviqinə, cəmiyyətin inkişafına və münaqişə zonalarından obyektiv məlumatların yayılmasına yönəlmiş fəaliyyətlərlə məşğuldur.