Gürcüstanlı deputat sərhədçilərimizə təşəkkür etdi - “Gürcü hökuməti aranı qızışdırır” | Eurasia Diary - ednews.net

15 Oktyabr, Çərşənbə axşamı


Gürcüstanlı deputat sərhədçilərimizə təşəkkür etdi - “Gürcü hökuməti aranı qızışdırır”

Ekspert rəyi A- A A+

Xəbər verdiyimiz kimi iki gün öncə "Keşikçidağ" məbədi ətrafında bir qrup Gürcüstan vətəndaşının keçirdiyi aksiya əsnasında gürcülər Azərbaycan sərhəd qoşunlarına hücum çəkərək onların silah və güllə daraqlarını əllərindən alıb. İnsidentin gürcü tərəfdən çəkilmiş videosu  sosial şəbəkələrdə yayılıb. 

 

Qeyd edək ki, gürcü sərhədçiləri hadisə yerində olsalar da, onlar faktiki seyrçi mövqeyi tutublar və hadisələrə müdaxilə etməyiblər.

Bu hadisə artıq aylardır müzakirələrə səbəb olan “Keşikçidağ” məbədi problemini yenidən aktuallaşdırıb. Qeyd edək ki, Azərbaycan və Gürcüstan arasındakı sərhəd ərazilərin 64%-i delimitasiya edilib. Qalan 36% mübahisəli ərazi hesab edilir və bu monastdra o ərazidə yerləşir. Aprel ayının 23-də Gürcüstan prezidenti Salome Zurabişvilinin ərazinin təcili delimitasiyasıyla bağlı çağırışından sonra Azərbaycan sərhədiçiləri ərazidə nəzarəti gücləndirmişdi. Nəticədə Gürcüstan vətəndaşlarının əraziyə daxil olmasında problemlər meydana gəlmişdi.

keşikçidağ ile ilgili görsel sonucuv

Azərbaycan və Gürcüstan tərəfi sözügedən ərazinin delimitasiya edilməsi üçün işçi qrupları və komissiyalar yaradıb. Lakin gürcü aktivistlərin son olayda Azərbaycan əsgərini tərkisilah etməsi xüsusən Azərbaycan ictimaiyyətində ciddi narahatçılıq doğurub.

Məsələylə bağlı Gürcüstan azərbaycanlısı və Gürcüstan parlamentinin deputatı Azər Süleymanov Eurasia Diary-ə eksklüziv açıqlamalar verib.

Görüntünün olası içeriği: 1 kişi

A.Süleymanlının sözlərinə görə bu hadisələr Azərbaycan və Gürcüstan arasındakı münasibətləri gərginləşdirməyi hədəfləyən qüvvələr tərəfindən yaradılmış provakasiyadır:

“Keşikçidağ məsələsi aktuallaşandan bu yana mən eyni sözləri hər iki ölkənin mətbuatına verdiyim açıqlamalarda təkrar edirəm. Bu məsələdə üçüncü qüvvə aranı qızışdırır. Gürcüstan və Azərbaycan arasında problem yaratmaq istəyən, bu iki dövlətin müttəfiqliyindən narahat olan qüvvələr var. Bu qüvvələr müxtəlif provakatorlar, özünü təsdiq etməyə çalışan siyasi qruplardan məharətlə istifadə edib bu məsələni qızışdırırlar, lakin tərəflər soyuqqanlılığını itirməməli, bu məsələdə diqqətli olmalıdır. Əlbəttə ki, Azərbaycan əsgərinə edilən hörmətsizlik həm də Azərbaycan dövlətinə və xalqına edilmişdir. Bu bizi, iki dövlətin müttəfiqliyini qorumağa çalışan insanları çox narahat edir. Lakin mən bir millət vəkili kimi öz soydaşlarıma çatdırmaq istərdim ki, bütün Gürcüstan vətəndaşları “Keşikçidağ” ərazisində təxribat törədən provakatorlarla eyni fikirdə deyillər və onların mövqeyini əsla dəstəkləmirlər”.

Gürcüstanlı deputat belə hesab edir ki, sərhəddə yaşanmış olayda Azərbaycan əsgərinin nümayiş etdirdiyi davranış təqdirəlayiqdir.

Ä°lgili resim

“Hadisənin videosunu izlədikdən sonra sözün həqiqi mənasında Azərbaycan əsgərinə təşəkkür etməyi özümə borc bildim. Əsgər ora yığışan provakotlarla münaqişəyə girmədi, soyuqqanlılığını qorudu. O şəraitdə Azərbaycan əsgəri hər cür yola əl ata, hətta atəş aça bilərdi. Lakin səbrlə oraya yığışan insanları sakitləşdirməyə çalışırdı. Düşünürəm ki, həmin əsgərlərə bütün Gürcüstan vətəndaşları təşəkkür borcludur. Çünki onlar provakasiyaya getmədilər və iki dövlət arasındakı münasibətlərin daha da gərginləşməsinin qarşısını aldılar”- deyən Azər Süleymanov baş verən hadisəyə gürcü sərhədçilərinin sadəcə tamaşa etməsini və heç bir Gürcüstan güc strukturunun olaya müdaxilə etməməsini Gürcüstan hökümətinin yürütdüyü siyasətlə əlaqələndirib:

“Heç bir güc strukturu bu ixtişaşlara müdaxilə etmədi. Buna səbəb hökümətdən konkret əmrin gəlməməsi idi. Bu artıq sərhəddə yaranmış necənci belə ixtişaşdır. İvanaşvili hökuməti qəsdən bu hadisənin üzərinə gedir və aranı qızışdırır. Bilirsiniz ki, son bir ayda onların iqtidarı nə qədər nüfuz itirdi. Hətta parlamentin sədri etiraz aksiyalarından sonra istefa verməyə məcbur oldu. Ölkədə İvanaşvili komandasına, iqtidara qarşı ciddi narazılıq var. Belə olan halda iqtidar ucuz siyasi oyunlara, bu cür ixtişaşlara əl atmaqla həm fikir yayındırı, həm də öz nüfuzunu artırmağa çalışır”.

A.Süleymanov onu da vurğulayıb ki, Azərbaycan tarix boyu Gürcüstana dəstək olub: “Gürcü xalqı 2003 və 2008-ci illər krizində Azərbaycanın dəstəyini unutmayıb. Rusiya ilə müharibə dövründə Gürcüstan Azərbaycanın yardımları nəticəsində üzləşdiyi böhrandan xilas olub. Azərbaycanın etdiyi bu yaxşılıqlar unudulmamalıdır və iki dövlətin müttəfiqliyi davam etdirilməlidir”.

 

Nicat İsmayılov

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...