Rusiya Xarici İşlər Naziri Sergey Lavrov Amerikalı həmkarı Mayk Pompeo ilə ikitərəfli görüş keçirdi. Mətbuat konfransı keçirən iki həmkar dünyada baş verən bütün siyasi, iqtisadi problemləri və mövcud olan müharibə və konfliktləri müzakirə ediblər. Ən əsası iki həmkar Rusiya-ABŞ münasibətlərdəki gərginliyin aradan qaldırılmasının vacib olduğunu bildirərək, 1933-cü ildəki iki ölkə arasında, yəni Ruzvelt və Litvinov arasındakı yazışmanı əsas tutaraq, (bu məktublarda hər iki ölkə bir-birinin daxili işlərinə qəti şəkildə qarışmamaq öhdəliyini götürmüşlər) münasibətlərini davam etdiriləcəyini bəyan etdilər.

Yəni ABŞ-ın Rusiyaya qarşı ittihamı, (bu Trampın prezident seçkilərinə Rusiyanın müdaxiləsindən söhbət gedir) bağlı məsələ qüvvədən düsür. Beləliklə, Rusiya və ABŞ yeni və yüksək münasibət qurmaqda niyyətlidirlər. Əlbəttə, bu münasibət heç bir zaman göstərməyə çalişdıqları qədər ola bilməz, çünki hər iki dövlətin strateji, siyasi və iqtisadi maraqları bu münasibətləri üstələyir. Lakin hər iki dövlət xadimi bu münasibətlərin qarşılıqlı maraqlara toxunmadan razılığa gələ biləcəklərini vurğuladılar.

Qarşılıqlı maraqların Ukrayna, İran, Braziliya, Çin, Koreya, Suriya, ABŞ-ın dəstək verdiyi terrorizm və sair məsələlər üzərindən nə dərəcədə üst-üste gələ bilər, maraq doğuran məqamlar bunlardır. Yəni özünü yeganə mono güc hesab edən ABŞ yenidən ona meydan oxumağa və dirçəlməyə başlayan Rusiyaya nə strateji, nə siyasi, nə də iqtisadi gücünü və riçaqlarını onunla bölüşən deyil. Bu birmənalıdır. Rusiyanın son zamanlarda artan imici və bəzi ölkələrin ABŞ-dan uzaqlaşaraq Rusiyanı tərcih etməsi, Rusiyanın dəstək verdiyi ölkələrin ABŞ ilə əməkdaşlıqdan çəkinməsi, Rusiya bazarlarının özlərinə daha əlverişli hesab edilməsi və sair göstəricilər, ABŞ narahat edə bilməz. Bunun üçün ABŞ SSSR-nin dağılmasına hər şeyden cox çalısmırdımı ki, indi də bu gücü və tək varisliyi Rusiyayla bölüşsün?! Demək ki, diplomatiya budur. Hər iki xadim masa arxasında dünya turnesinə çıxaraq hər kiçik detalları belə müzakirə etmələri faydalıdır, lakin bir dəfədə bundan bizdə faydalansaq Qarabağ məsələsində müzakirə etsələr və bu münaqişəyə lokal kiçik münaqişə kimi yox ciddi münaqişə kimi görüb həlli yollarını masaya qoysalardı Qafqaz regionun sabitliyinə və inkişafina addım olardı.

Politoloq Ramiyə MƏMMƏDOVA

Eurasia Diary