Kollektiv Təhlükəsizlik Müqaviləsi Təşkilatının (KTMT) qüvvələri Qazaxıstanda nümayişlərin dağıdılmasında iştirak etməyəcək.

EDNews.net Modern.az-a istinadən xəbər verir ki, bunu “RİA Novosti”yə KTMT-nin baş katibi Stanislav Zas bildirib.

"Eyhamlar var ki, indi bizim bölmələrimiz nümayişləri dağıdacaq və s. - yox, bu baş verməyəcək. Kollektiv Sülhməramlı Qüvvələrin başqa vəzifələri var", - Zas deyib.

O bildirib ki, KTMT-nin Qazaxıstandakı kollektiv sülhməramlı qüvvələri dövlət strateji obyektlərini qoruyacaq və asayişin qorunmasına kömək edəcək:

"Onların üzərinə düşən vəzifələrdən danışsaq, bunu şərti olaraq iki əsas yerə bölmək olar. Birincisi, ən mühüm dövlətin, strateji obyektlərin mühafizəsidir. İkinci vəzifə isə asayişin qorunmasına kömək etməkdir ki, insanlar özlərini təhlükəsiz hiss edirlər”.

S.Zas həmçinin bildirib ki, sülhməramlı qüvvələrin Qazaxıstanda qalma müddəti vəziyyətdən və respublika rəhbərliyinin qərarından asılı olacaq və əməliyyat başa çatdıqdan sonra qoşunlar çıxarılacaq.

"Biz gözləyirik ki, müddət qısa olacaq. Kollektiv Təhlükəsizlik Şurasının qərarında belə səslənir – “qısa müddətə”. Hansı qısa müddət - bir neçə gün və ya bir neçə həftə - bu, Qazaxıstandakı vəziyyətdən və  təbii ki, Qazaxıstan rəhbərliyinin mövqeyindən”, - deyə Zas bildirib.

Qazaxıstanda kütləvi etirazlar 2022-ci ilin ilk günlərində başlayıb. Daha sonra ölkənin qərbində neft hasil edən region olan Mangistau vilayətinin Janaozen və Aktau şəhərlərinin sakinləri mayeləşdirilmiş qazın qiymətinin iki dəfə artırılmasına qarşı çıxıblar, sonra etirazlar digər şəhərlərə də yayılıb. Qazaxıstanda iki həftədir ki, fövqəladə vəziyyət rejimi tətbiq edilib. Prezident Kasım-Jomart Tokayev hökuməti istefaya göndərib və respublikanın Təhlükəsizlik Şurasına rəhbərlik edərək, ilk dövlət başçısı Nursultan Nazarbayevi bu vəzifədən kənarlaşdırıb.

Tokayev “terror təhlükəsinin aradan qaldırılmasında” kömək üçün KTMT-yə müraciət edib. Həmin gecə KTMT-nin Kollektiv Təhlükəsizlik Şurası Tokayevin müraciəti ilə əlaqədar Qazaxıstana kollektiv sülhməramlı qüvvələrin göndərilməsi barədə qərar qəbul edib.

KTMT Qazaxıstana 2500 nəfər sülhməramlı göndərib.