Hazırda İran İslam Respublikasında üsyanlarla bağlı iran vətəndaşları üzərində nəzarət ciddiyə alınıb.
Ednews-un əldə etdiyi məlumata görə, nəzarət yalnız ölkə daxili deyil, hətta ölkə xaricində yaşayan iran vətəndaşlarının da üzərindədir. Ölkə daxilinə və xaricinə səfər edənlərin adları ciddi şəkildə qeydə alınır. İranda baş verən hadisələr haqqında məlumat paylaşan şəxsə ya ölkəyə qayıdış zamanı, ya da İranda yaşayan ailələrinə qarşı zor tətbiq edilib, incidilir.
Xatırladaq ki, 22 yaşlı Mehsa Əmini hicabı düzgün taxmadığı üçün Tehran polisləri tərəfindən döyülüb, bədən xəsarətləri ilə xəstəxanaya çatdırılan qız, aldığı xəsərətlərdən həyatını itirib.
Qeyd edək ki, aksiyalar Mehsa Əminin qətlindən başlasa da, insanlar digər məsələlər, xüsusilə, dövlət idarəçiliyi və iqtisadi böhrana qarşı da etirazlarını bildirirlər. Aksiyalar sürətlə böyüyür və iştirakçıları ötən illərdəki ilə müqayisədə daha qətiyyətli görünür. Ölkədə baş qaldıran ixtişaşlar da etnik kürdlər daha fəaldırlar. Bu da təsadüfi deyil, çünki polis tərəfindən öldürülən 22 yaşlı Mehsa Əmini kürd idi.
Rəna Mürşüd