Məlumdur ki, dünyada nüvə silahına malik doqquz ölkə var. Müharibələr, münaqişələr, güc nümayişləri, şəxsi eqolar… Hamısı bir araya gələndə mavi planet doğrudan da fəlakətə sürüklənə bilərmi? III. Dünya Müharibəsi qapının astanasındadır? Yoxsa bütün bu suallar şişirdilib?
Ednews-un verdiyi xəbərə görə, professor Tolqa Yarman açıqlamasında bildirib ki, xüsusilə Rusiya-Ukrayna müharibəsi başlayandan bu duet haqqında daha tez-tez eşidirik və oxuyuruq.
Rusiya Hərtərəfli Nüvə Sınaqlarının Qadağası Müqaviləsindən (CTBT) çıxdıqdan sonra təlim təşkil etdi.
İyun ayında Rusiya lideri Putin taktiki nüvə silahlarının Belarusa yerləşdiriləcəyi tarixi açıqlamışdı və bu addım NATO-nun Finlandiya və İsveçlə ittifaqı genişləndirmək üçün atdığı addıma cavab olaraq şərh edilmişdi.
Bu ayın əvvəlində Beynəlxalq Valday Klubunun Soçidə keçirilən uzun iclasında Putinin toxunduğu məsələlərdən biri də nüvə silahı olub.
Rusiya dövlətinin varlığı təhlükə altında olarsa, nüvə silahından istifadə edəcəklərini bildirən Putin, “Ağlı başında olan kimsənin Rusiyaya qarşı nüvə silahı istifadə etməyi düşünəcəyini düşünmürəm” deyib.
Bu silahların qarşılıqlı istifadəsi dünyanın 5-6 milyard insanın ölümünə, başqa sözlə, bəşər övladının yox olmasına səbəb olan nüvə qışına girməsi deməkdir. Hətta tək bir nüvə silahının istifadəsi planeti keçilməz nüvə müharibəsi fəlakətinə sürükləyə bilər.
Oğuz