Ermənistanın keçmiş prezidenti Robert Köçəryanın oğlu Levon Köçəryan “Ermənistan” fraksiyasından deputat mandatını alacaq.

Ednews erməni KİV-nə istinadən xəbər verir ki, bu barədə informasiyanı Mərkəzi Seçki Komissiyasının iclasında Mərkəzi Seçki Komissiyasının rəhbəri Vaaqn Ovakimyan yayıb.

Daha əvvəl məlum olub ki, “Ermənistan” fraksiyasından olan deputat Armen Çarçyan mandatından istefa verib. 
Siyahıda ondan sonra gələn və eyni blokda yer  olan Ermənistan parlamentinin deputatlığına namizədləri - Miqrdat Madatyan (№ 47), Angela Nalbandyan (№ 48), Gerasim Vardanyan (№ 49) Mərkəzi Seçki Komissiyasına mandatlarından imtina etmək üçün vəsatətlər təqdim ediblər. Nəticədə 50 saylı siyahıda göstərilən namizəd Levon Köçəryan deputat mandatı alacaq.

Ovakimyan qeyd edib ki, deputat mandatından bir neçə namizəd imtina edib və seçki siyahısında növbə kiçik Köçəryana çatıb.

Hazırda Levon Köçəryan həbsdədir. Köçəryanın azadlığa buraxılmasına əsas Konstitusiya Məhkəməsinin 7 dekabr 2021-ci il tarixli qərarıdır. Vəkillərin sözlərinə görə, eks-prezidentin oğlu azadlığa buraxılacaq, lakin ona qarşı cinayət təqibi dayandırılmayacaq.