Finlandiyada ev sahibi olan Rusiya vətəndaşları evlərini satmaqda çətinlik çəkirlər.
Ednews turkrus.com-a istinadən xəbər verir ki, bu evlər xeyli dəyər itirib, lakin Rusiya vətəndaşları qanuni maneələr üzündən pullarını saxlaya bilmirlər.
Xəbərə görə, sərhəddə yerləşən İmatra şəhərində bəzi mənzillərin qiyməti 7 min avroya, yəni 700 min rubla düşüb.
Keçən yay Finlandiya Rusiya pasportu olan ev sahiblərinin fövqəladə hallar istisna olmaqla ölkəyə girişini qadağan edib. Əksər Rusiya vətəndaşlarının bank hesabları da bağlanıb.
Bildirilir ki, Rusiya vətəndaşları 1991-ci ildən bəri Finlandiyada 7 minə yaxın ev alıblar. Lakin xüsusilə şərq şəhərlərində bu evlərin qiymətləri 40 faizə qədər ucuzlaşıb.
Xəyal Ramiz
