Papa bildirib ki, narkotiklərin qanuniləşdirilməsi asılılıqla mübarizə yolu deyil.

Ednews sozcu.com-a istinadən xəbər verir ki, Papa narkomaniyaya qarşı “profilaktika yolu ilə” mübarizə aparılmalı olduğu fikrini ifadə edib.

Katoliklərin ruhani lideri və Vatikanın lideri Papa Fransisk bəyan edib ki, bəzi ölkələrdə olduğu kimi narkotiklərin qanunla liberallaşdırılması asılılıqla mübarizə yolu deyil.

Vatikanda həftəlik ümumi qəbul iclasını keçirən Papa bu gün “26 İyun Ümumdünya Narkotiklərdən İstifadə və Ticarətlə Mübarizə Günü” olduğu üçün çıxışını bu mövzuya həsr edib.

Papa bəyan edib ki, narkotikdən istifadə cəmiyyətləri yoxsullaşdırır və cəmiyyətin bütün təbəqələrinə ciddi ziyan vurur.

Narkotik istifadəsinin qanunlar vasitəsilə liberallaşdırılmasının onunla mübarizə yolu olmadığına diqqət çəkən Papa Fransisk, "Bəzi ölkələrdə təklif edildiyi və ya hal-hazırda tətbiq olunduğu kimi, narkotik istifadəsinin liberallaşdırılması ilə narkomaniyanın azaldılmasına nail olmaq mümkün deyil" dedi. 

Papa iddia edirdi ki, narkomaniyaya qarşı “profilaktika yolu ilə” mübarizə aparılmalıdır.

Katoliklərin ruhani lideri vurğuladı ki, onlar bu vəziyyətə biganə qala bilməzlər, çünki dünyada milyonlarla insan narkomaniya ilə üzləşir.

Xəyal