Böyük Britaniya Kralı III Çarlz, şiş əleyhinə müalicə zamanı yaranan yan təsirlər səbəbindən xəstəxanaya yerləşdirilib.
"EDnews"-un verdiyi məlumata görə, bu barədə Bukinqem sarayı məlumat yayıb.
Bu vəziyyət monarxın iştirak etməli olduğu tədbirlərin təxirə salınmasına səbəb olub.
"Planlaşdırılmış və davam edən xərçəng müalicəsindən sonra bu gün səhər kralda müvəqqəti yan təsirlər yaranıb. O, xəstəxanaya yerləşdirilib. Buna görə də Əlahəzrətin gündəlik görüşləri təxirə salınıb", - deyə məlumatda vurğulanıb.
Səhhətindəki pisləşməyə baxmayaraq, Kral III Çarlz, dövlət vəzifələrini yerinə yetirməyə davam edir. Xərçənglə bir ildən çoxdur mübarizə aparan 76 yaşlı monarx, öz xəstəliyi haqqında açıq danışaraq, digər xəstələrə dəstək olmağı hədəfləyir.
Mədinə Məmmədova // EDnews
