Ukrayna ilə Rusiya arasında artan münaqişə səngimir. Qərblə Rusiya arasında gərgin qalan və etibarlı tərəfdarını seçə bilməyən Ukrayna, həm də ciddi daxili problem yaşayır. Artıq bəzi siyasi elita xalq arasında hazırki prezident Volodimir Zelenskiniyə olan ümidlərin itdiyini dilə gətirir.
“Ukrayna artıq daxildən bu cür çəkişmələrdən təngə gəlib. Qərbdəki tərəfdarlara da güvən qalmayıb. Belə gedərsə, xalq gələcək seçkilərdə Petro Poroşenkonu yenidən gendəmə gətirilməli olacaq,” deyə, bunu adının çəkilməsini istəməyən ukraynalı sosioloq Ednews-a bildirib.
2014-2019-cu illərdə Ukraynanın 5-ci prezidenti olmuş Petro Poroşenko sonuncu dəfə vətəninə xəyanət üstündə postunu itirməli oldu. Onun Ukraynanın şərqində Rusiyanın dəstəklədiyi separatçıları maliyyələşdirməyə kömək edən külli miqdarda kömür satışında iştirak etdiyi iddia edildi. Ağır ittihamlardan sonra vətənə qayıdan Poroşenko dövlətə xəyanət ittihamı ilə mübarizə aparmaq üçün məhkəmə qarşısına çıxdı.
Keçmiş prezident “Roshen” qənnadı imperiyasının sahibi və Ukraynanın ən zəngin iş adamlarından biridir. Çərşənbə günü Ukraynanın məhkəmə sistemi Ukrayna əyalət parlamentinin Rada deputatı Poroşenkoya istintaq zamanı onun ölkəni tərk etməsinə qadağa qoyaraq azadlıqda qalmasına icazə verib. Bir neçə yüz tərəfdar isə qərara məhkəmə binasının qarşısında etiraz edib.
"Bu, hələ qələbə deyil, bu, düzgün istiqamətdə atılan ilk addımdır", - deyən Poroşenko pasportunun əlindən alınmasının onun "siyasi fəaliyyətinə" mane olduğunu bildirib.
Bəs, Poroşenko tərəfdarları adına ləkələnən keçmiş lideri hansı formada hakimiyyətə gətirmək niyyətindədir?
Ukraynalı siyasi analitik Aleksandr Merejko Ednews-a məsələ ilə bağlı danışarkən deyib ki, bu gərginlik Zelenskinin hakimiyyətə gəlişindən bəri mövcud idi.
“Daha doğrusu, onun hakimiyyətdə olduğu dönəmin əvvəlində istər Donbassdakı vəziyyət, istərsə də pandemiyanın yaratdığı iqtisadi böhran, yaxud da Rusiyanın yeni işğalının hazırkı təhlükəsi ilə bağlı gərginlik var idi. Lakin buna baxmayaraq, Zelenski çox uğurla mövcud olan problemlərin əksəriyyətinin öhdəsindən gələ bilib. Yeri gəlmişkən, Azərbaycanla strateji tərəfdaşlığımız Zelenski ilə Prezident İlham Əliyev arasında şəxsi dostluq və isti münasibətlər də müsbət rol oynayıb”.
Politoloq həmçinin qeyd edib ki, Zelenski ona qədərki sabiq prezidentlərin cəsarət etmədiyi bir sıra mühüm islahatları həyata keçirə bilib. Siyasi analitik buna əsasən torpaq islahatlarını misal çəkib.
“Demokratik qanunlara görə, seçki nəticələri gözlənilməz ola bilər. Ancaq hesab edirəm ki, Zelenskinin başlatdığı islahatları bitirmək üçün yenidən seçilmə şansları çox yüksəkdir. O cümlədən, xarizma, enerji və gənc seçicilər arasında məşhur olması Zelenskini seçkilərdə ən tələb olunan namizədlərdən edir. Bundan başqa orta və yaşlı təbəqənin insanları da onun prezident kimi fəaliyyətinin dəqiq nəticələrini gördükləri üçün Zelenskiyə daha çox güvənirlər”.
Elnur Ənvəroğlu