Beynəlxalq Avrasiya Mətbuat Fondunun (BAMF) prezidenti Umud Mirzəyev, Rusiya Yazıçılar Birliyinin üzvü, şair, yazıçı Nikolay Şipilovun doğum gününə və Rusiya və Belarusiya Yazıçılar birliyinin üzvü, şair, yazıçı, akrtisa Tatyana Daşkeviçin yubileyinə həsr olunmuş yaradıcılıq gecəsində iştirak edib.

Yaradıcılıq gecəsi Moskvadakı Yazıçılar Mərkəzində keçirilib. Tədbirdə Tatyana və Nikolayın qızı və Lada Dmitriyeva ilə bərabər onun həyat yoldaşı İvan Dmitriyev, tanınmış sənətçilər, yazıçılar və şairlər iştirak ediblər. Həmçinin Nikolay və Tatyanın çoxsaylı dostları, teatr aktrisası və kinorejissor İrina Narbekova, məşhur yazıçı və rəssamlar Andrey Kramarenko və Sergey Matveyenko iştirakçılar arasında idi.

 Daha sonra Nikolay Şipilovun xatirəsinə həsr olunmuş əsərləri aktyorlar məharətlə səhnələşdirildi.

Tədbirdə çıxış edən BAMF-in prezidenti Umud Mirzəyev, tədbir iştirakçılarına, öz dostluq xatirələri barədə danışarkən bunları dedi: “ Tələbəlik illərindən bu günə kimi dostluq əlaqələrimiz hər il daha da möhkəmlənərək əsil dostluğa çevrilmişdir. Həyatımızda müxtəlif hadisələrin baş verməsindən asılı olmayaraq, hətta sevincli və ya kədərli günlərimizdə də hər zaman bir-birimizə mənəvi dəstək olmağa çalışmışıq. Nikolayı düşünərkən xatırlayıram ki, o daim müsbət enerjili və və yaradıcılığı boyu hər zaman heyrətamiz üslubu olan bir ədib olub. Onun şeirləri və hekayələri sadə üslubda yazılıb: həyat, vətən, sevgi. Və mən məmnun oluram ki, onlar Tatyana xanımla, bu iki müxtəlif sahədə bir-birini tamamlayan peşəkarlardı”.

Umud Mirzəyev, yüksək səviyyəli peşə bacarıqlarının formalaşmasında, fəal iştirakına və Beynəlxalq Avrasiya Mətbuat Fonduna (BAMF) verdikləri böyük töhfə üçün Tatyana Daşkeviç və Nikolay Şipilovu fəxri diplomla təltif etdi.

Umud Mirzəyev onu da vurğuladı ki, "90-cı illərdən bəri, Ermənistan-Azərbaycan Dağlıq Qarabağ münaqişəsi da daxil olmaqla, keçmiş Sovet İttifaqı ərazisində bir sıra etnik qarşıdurmaların yaşandığı dövrlərdə və Azərbaycan ağrılı günlərində də hər zaman sülh tərəfdarları olaraq fəaliyyət göstərmişik. Beynəlxalq Avrasiya Mətbuat Fondu "Evdə sülh, ölkədə sülh, dünyada sülh" şüarı ilə yaradılıb. Və bu günə qədər bu hədəfləri əsas tutaraq bir sıra sülh və dostluq layihələrinə fəal aktiv göstərib. Fondun təsis olunduğu gündən bu günə qədər fəaliyyətimizi dəstəkləyən və köməkliyi dəyən bütün tərəfdaşlarımız və yoldaşlarımıza dərin təşəkkürümü bildirirəm .

Moskvaya etdiyi ziyarət əsnasında Umud Mirzəyev, Nikolay Şipilov və Tatyana Daşkeviç ilə birlikdə 80-ci illərdə birlikdə çalışdığı və digər tələbələrlə bir araya gəldiyi Maksim Qorki adına Ədəbiyyat İnstitutunu da ziyarət etdi. Bu il ali təhsil ocağının 85 illik yubleyinin qeyd olunmasının da çox əhəmiyyətli olduğunu bildirdi.