Dünya bazarında pandemiya dövründə artan ərzaq qiymətləri artıq aşağı düşməyə başlayıb. Maraqlıdır ki, dünya bazarında ərzaq qiymətləri sürətlə ucuzlaşarkən, Azərbaycan bazarında qiymətlər ya cüzi enir, ya da bahalaşma qeydə alınır.
Mövzu ilə bağlı Ednews-a açıqlamasında iqtisadçı-ekspert Günay Hüseynova bildirdi ki, dünya bazarında müəyyən ərzaq məhsulları var ki, onların qiymətində cüzi ucuzlaşma müşahidə olunur:
"Yəni bunu bütün qida məhsulları üçün deyə bilmərik. Lakin bunun bizim bazara bir o qədər də təsir etməməsinin bir çox səbəbləri var. Əvvəla daşınma xərclərinin baha başa gəlməsi, o ölkələrdəki inflyasiyanın qiymətə təsiri və ən əsası isə süni qiymət artımıdır. Axırıncı qeyd etdiyim səbəb tək bizim üçün deyil, bir çox müsəlman ölkələrinə aiddir. Avropada hansısa bayram olanda xüsusi endirimlər edirlər. Məsələn, christmas həftəsi. Bizlərdə isə tam əksinədir Ramazan, Novruz daxil olur ərzaq qiymətlər artır, Qurban bayramı olur, qurbanlıqların qiyməti artır. Ortada da qazanan isə işbazlar olur".
Oğuz
.jpg)
