Bu ilin yanvar-mart aylarında gömrük bəyannamələrinə əsasən, Azərbaycan 5 milyard 899 milyon 150,19 min kubmetr həcmində təbii qaz ixrac edib.
“EDnews” xəbər verir ki , Azərbaycandan ixrac edilən təbii qazın dəyəri 2 milyard 205 milyon 620,47 min ABŞ dolları təşkil edib.
Hesabat dövründə ixrac edilən təbii qazın həcmi 2024-cü ilin ilk üç ayı ilə müqayisədə 19,58 %, dəyəri isə 25,88 % çoxdur.
2025-ci ilin yanvar-mart aylarında Azərbaycanın ümumi ixracında təbii qazın payı 34,54 % olub.
Qeyd edək ki, bu ilin yanvar-mart aylarında Azərbaycan xarici ölkələrlə 12 milyard 48,87 milyon ABŞ dolları dəyərində ticarət əməliyyatı aparıb.Xarici ticarət dövriyyəsinin 6 milyard 385,9 milyon ABŞ dolları ixracın, 5 milyard 662,97 milyon ABŞ dolları isə idxalın payına düşüb. Son 1 ildə ixrac 6,7 %, idxal isə 52,6 % artıb.
Fatimə Mərdanlı // EDnews
