Vyana Tətbiqi İncəsənət Universiteti dünyada bir ilkə imza atıb.
“EDnews” xəbər verir ki, universitet süni intellekti rəsmi şəkildə tələbə kimi qəbul edən ilk ali təhsil müəssisəsi olub.
"Flynn" adlı süni intellekt rəqəmsal incəsənət proqramına qəbul olunub və digər tələbələrlə bərabər şəkildə dərslərdə iştirak edəcək, müzakirələrə qoşulacaq və qiymətləndiriləcək.
Layihənin əsas məqsədi insanla süni intellektin incəsənət sahəsində birgə fəaliyyət mexanizmlərini araşdırmaqdır. "Flynn" qəbul üçün tələb olunan bütün mərhələlərdən keçib — portfel təqdim edib və müsahibədə iştirak edib. Müsahibə zamanı o, rəqəmsal incəsənətin sərhədlərini genişləndirmək və tənqidi düşüncə ilə işləmək istədiyini ifadə edib.
Universitet rəhbərliyi qeyd edib ki, qəbul qaydalarında tələbənin mütləq insan olması ilə bağlı yazılı bir norma yoxdur, bu səbəbdən "Flynn"in tələbə kimi qeydiyyata alınmasına hüquqi maneə olmayıb.
"Flynn" rəsmi şəkildə payız semestrindən tələbə olacaq, lakin artıq mart ayından bəzi dərslərə qatılaraq həmyaşıdları ilə tanışlıq və uyğunlaşma mərhələsinə başlayıb.
"Flynn" açıq mənbəli "Claude Sonnet" və "Stable Diffusion" böyük dil modelləri əsasında hazırlanıb. O, artıq şəxsi gündəlik yazmağa başlayıb və burada bəzilərinin onu “gerçək” hesab etməməsinə görə incikliyini ifadə edib.