Bu gün Bakıya Vyetnamın Baş Prokurorunun müavini Nguyen Quang Dung rəhbərliyində nümayəndə heyəti rəsmi səfər edib. Səfərin əsas məqsədi Azərbaycan ilə Vyetnam arasında hüquq-mühafizə orqanları və prokurorluq sahəsində əməkdaşlığın inkişaf etdirilməsi və təcrübə mübadiləsinin genişləndirilməsidir.

EDnews xəbər verir ki,nümayəndə heyəti Azərbaycan Baş Prokurorluğu və digər əlaqədar dövlət qurumları ilə görüşlər keçirir. Görüşlərdə iki ölkə arasında hüquqi əməkdaşlığın mövcud vəziyyəti, qarşılıqlı maraq doğuran məsələlər, cinayətkarlığa qarşı mübarizə və beynəlxalq hüquqi yardım sahəsində əməkdaşlıq imkanları müzakirə olunub.

Bu səfər Azərbaycan və Vyetnam arasında hüquq sahəsində strateji tərəfdaşlığın gücləndirilməsinə yönəlib. Həmçinin, səfər çərçivəsində ikitərəfli əlaqələrin genişləndirilməsi, yeni layihələrin və proqramların hazırlanması üçün zəmin yaradılır.

Azərbaycanın Asiya ölkələri ilə əlaqələrinin genişləndirilməsi, xüsusilə hüquq-mühafizə sahəsində təcrübə mübadiləsi, ölkənin beynəlxalq əməkdaşlıq şəbəkəsini möhkəmləndirir. Bu, həm də Azərbaycanın müxtəlif regionlarla daha sıx iqtisadi və diplomatik əlaqələr qurmaq strategiyasının tərkib hissəsidir.

Mədinə Məmmədova//Ednews