Azərbaycanın 28 May – Müstəqillik Günü şərəfinə xaricdəki dost ölkələrdən biri – Belarus da mənalı jest edib. EDnews “Report”a istinadən xəbər verir ki, Belarus Milli Kitabxanası mayın 27-dən 28-nə keçən gecə Azərbaycan bayrağının rəngləri ilə işıqlandırılıb.
Paytaxt Minskin mərkəzində yerləşən və ölkənin ən simvolik binalarından biri sayılan Milli Kitabxana üzərində üçrəngli bayrağımızın – göy, qırmızı və yaşıl rənglərinin parlaması Azərbaycanın müstəqilliyinə və dövlətçiliyinə göstərilən hörmətin ifadəsi kimi qiymətləndirilir.
Belarusun Azərbaycandakı səfirliyinin məlumatına görə, bu işıqlandırma Azərbaycanın Müstəqillik Gününə həsr olunmuş xüsusi aksiyanın tərkib hissəsidir.
Bu cür dostluq jestləri iki ölkə arasındakı mövcud diplomatik və mədəni əlaqələrin güclənməsinə xidmət edir və Azərbaycan xalqı üçün əlamətdar olan bir gündə beynəlxalq həmrəylik nümunəsi kimi diqqət çəkir.
Fatima Şükürova // EDnews
