ABŞ-da qızılca xəstəliklərinin sayı son 25 ilin rekord səviyyəsinə çatıb.
“EDnews” xəbər verir ki, qəzetin istinad etdiyi Xəstəliklərə Nəzarət və Profilaktika Mərkəzləri tərəfindən dərc edilmiş məlumatlara əsasən, ABŞ-da 2025-ci ildə virusun 2000-ci ildə məhv edildiyi elan edildikdən sonra hər hansı digər ildəkindən daha çox qızılca xəstəliyi halı qeydə alınıb.
Qeyd olunur ki, 2025-ci ildə qızılca yoluxma hallarının əksəriyyəti ölkənin cənub-qərbində baş verib. Ümumilikdə 1 288 nəfərdə qızılca halları aşkar edilib, onların 92%-i əvvəllər peyvənd olunmayıb.
Qızılca ən yoluxucu virus xəstəliklərindən biridir. O, uşaq xəstəliyi hesab olunur, lakin böyüklər də ona məruz qala bilərlər. İnfeksiya hava-damcı yolu ilə ötürülür. Qızılca otit, meningit və ensefalit kimi fəsadlara yol aça, hətta ölümlə nəticələnə bilər.
