Ednews bir çoxlarımızın sevimli oyunu Tetrisin necə yaranması haqqında araşdırma yazını təqdim edir:

Tetris (ingiliscə: Tetris) ilk olaraq sovet kompüter mühəndisi Aleksey Pajitnov tərəfindən hazırlanmış və 6 iyun 1984-cü ildə nəşr edilmiş oyundur. Kompüter mühitində oynanan bəzi oyunlar əsasən bu oyuna yönəlmiş oyun alətlərində də məşhurlaşıb. Oyun xüsusilə 1990-cı illərdə çox populyarlaşdı.

Tetris müxtəlif həndəsi fiqurların oyun sahəsinə düşdüyü və oyunçunun onları boşluqlar olmadan xətlər yaratmaq üçün təşkil etməli olduğu bir tapmaca oyunudur. Əslində bu oyunu oynamaq çox sadədir. Etməli olduğunuz şey yuxarıdan düşən fiqurları elə yerləşdirməkdir ki, xətləri məhv etsinlər. Ancaq bunu etməsəniz, ekranınız dolacaq və oyunu itirəcəksiniz.

 Tetris kompüterlərdə yaxşı satılırdı, lakin oyun sənayesində böyük pullar əslində konsollardan gəlirdi. Tetrisin 1989-cu ilin əvvəlində Yaponiyada Nintendo tərəfindən buraxılan “Game Boy” üçün mükəmməl uyğun olduğunu ilk başa düşən Yaponiyada yaşayan hollandiyalı video oyun tərtibatçısı və iş adamı Henk Rocers oldu.

Tetrisin “Game Boy” versiyası 35 milyon ədəd satılıb. Daha sonra konsolu bütün zamanların ən uğurlularından birinə çevirməyə kömək etdi. Ancaq oyunun uğuruna baxmayaraq, Pajitnov yenə də oyundan pul qazana bilməyib. Eyni zamanda, Nintendo və Atari arasında Tetrisin ev konsolu hüquqları ilə bağlı münaqişə baş verdi. 1989-cu ilin sonunda bir hakim Nintendonun xeyrinə qərar verdi. Nəticədə, "Tetris: Sovet Ağıl Oyunu" şüarı altında oyun versiyasının yüz minlərlə nüsxəsini çıxaran Atari-yə ölümcül zərbə vurdu.

Pajitnov 1991-ci ildə Moskvadan Sietlə getdi. 1995-ci ildən sonra müddəti bitdikdən sonra nəhayət oyun üçün müəllif hüquqları almağa başladı. 1996-cı ildə Tetris şirkətini qurdu. 2005-ci ildə Tetris Korporasiyası Sovet İttifaqının dağılmasından sonra dövlət şirkətindən özəl şirkətə çevrilmiş Elorg-u aldı. Bu yolla o, bütün dünyada Tetris hüquqlarına nəzarəti ələ keçirdi. Şirkət hər Tetris parçasının adlarını və rənglərini standartlaşdırdı və ticarət markası etdi.

2019-cu ilin əvvəlində oyunun 35-ci ildönümünə təsadüf edən ən son versiya 99 oyunçunun eyni vaxtda oynadığı "Tetris 99" adlı onlayn multiplayer versiyasıdır. Yəni Tetris oyun çılğınlığı azalsa da, oyunun fanatikləri hələ də vərdişlərini davam etdirirlər...

Tetris oyunu düşüncə gücünü artırır. Düşünmə, konsentrasiya və diqqətin inkişafı üçün bir çox faydası olduğu sübut edilmiş oyun tam bir zehni məşq halına gəlir. Göz tənbəlliyi olan insanlar üçün də faydalı olan Tetris hər iki gözün eyni anda işləməsini təmin edir.

 Əgər siz uşaqların əlinə elektron cihazlar verməyə üstünlük vermirsinizsə, bu oyunu karton və üzlüklərdən asanlıqla düzəldə bilərsiniz. Uşağınız oynayarkən siz qəhvənizi qurtumlaya və özünüzlə fəxr edə bilərsiniz.

Vəfa Ustayeva