Şotlandiyada aparılan araşdırmaya görə, dar üzlü və açıq dərili insanlar varlı, geniş üzlü və solğun dərili insanlar isə kasıb kimi qəbul edilir.
Ednews xarici mediaya istinadən xəbər verir ki, Qlazqo Universitetinin komandası “Hansı üz cizgiləri sizi zəngin göstərir?” mövzusunda araşdırma aparıb. Qərb ölkələrindən olan iştirakçılarla aparılan araşdırma yalnız insanların qavrayışına əsaslanaraq hansı üz xüsusiyyətlərinin yüksək və ya aşağı sosial statusla əlaqəli olduğunu müəyyən edib.
Nəticələri "Journal of Experimental Psychology"-də dərc olunan araşdırmaya görə, insanlar "daha dar üzlü, yuxarıya doğru gülümsəyən ağızlı, qaldırılmış qaşları, bir-birinə yaxın olan gözləri və açıq və isti dəri tonu" olan insanların daha zəngin göründüyünü düşünürlər. Bu üz xüsusiyyətləri də "etibarlılıq, bacarıq və istilik" ilə əlaqələndirilir. “Geniş, qısa və yastı üz quruluşu, aşağı ağızlı və daha tünd dərili” insanlar aşağı sinif, daha az etibarlı və bacarıqsız kimi qəbul edilirdi.
Araşdırmada onların adları çəkilməsə də qeyd olunan üz cizgilərinə Facebook-un baş direktoru Mark Zukerberq və Amazon şirkətinin rəhbəri Cess Bezosun sahib olması diqqət çəkib. Alimlər qeyd edirlər ki, xarici görünüş meyllərimiz yalnız üz görünüşünə görə formalaşa bilər və bu, müəyyən insanların sosial dezavantaj yaşamasına səbəb ola bilər. Araşdırma qrupundan prof. Rachael E. Jack, araşdırma ilə "insanların öz qərəzləri ilə hərəkət etmələrinin qarşısını almağa" ümid etdiyini söylədi.
Oğuz