Türkiyə Prezidenti Rəcəb Tayyib Ərdoğan Ukrayna münaqişəsinin həllində mümkün diplomatik irəliləyişlə bağlı mühüm açıqlama verib.
“EDnews” xəbər verir ki, Türkiyə Prezidenti Rəcəb Tayyib Ərdoğan bu barədə NATO sammitinin keçirildiyi Haaqadan qayıdarkən danışıb.
Türkiyə lideri qeyd edib ki, ABŞ Prezidenti Donald Tramp Rusiya lideri Vladimir Putinin Ukrayna üzrə sülh danışıqlarında iştirak edəcəyi təqdirdə Türkiyəyə gəlməyə hazırdır.
"Bizim əsas məqsədimiz ölkəmizdə liderlər səviyyəsində görüş keçirmək və çoxdan gözlənilən sülhə nail olmaqdır. Mən Haaqadakı görüşümüz zamanı bu barədə ABŞ Prezidenti Trampı da məlumatlandırdım. O bildirib ki, Rusiya Prezidenti Vladimir Putin nizamlanma üçün İstanbula və ya Ankaraya gəlsə, o da İstanbula və ya Ankaraya gələcək" - deyə R.T.Ərdoğan qeyd edib.
