Xəbər verdiyimiz kimi, ötən günlərdə Almaniyanın XİN Annalena Baerbok BMT-də əsaslı islahatların aparılmasının zəruriliyindən danışıb. Onun fikrincə, təşkilat daha ədalətli, əhatəli və effektiv səlahiyyətlərə malik olmalıdır.

"20-ci əsrin dünyasını hələ də təmsil edən BMT Təhlükəsizlik Şurası, mövcud 21 – ci əsrə artıq uyğun deyil" – deyə o, vurğulayıb.

Azərbaycan - ABŞ İqtisadiyyat və Təhsil Şurasının icraçı direktoru və təsisçisi, BAMF-ın ABŞ-dakı nümayəndəsi və siyasi ekspert Piter Teys, Ednews – a müsahibəsində islhatların zəruriliyindən danışıb. 

“Almaniya son illərə nəzər yetirsək, həmişə BMT Təhlükəsizlik Şurasında böyük islahatların aparılmasını istəyib. Lakin Berlinin Təhlükəsizlik Şurasının daimi üzvlərinin eksklüziv dairəsinə qoşulmaq təklifi elə də bəhrə verməyib. İndi Almaniyanın BMT Təhlükəsizlik Şurasının daimi üzvü olmasının əsl vaxtıdır. Almaniyanın xarici işlər naziri Annalena Baerbokun XX əsr BMT-nin XXI əsrdə eyni geosiyasi strukturla fəaliyyət göstərə bilməyəcəyini vurğulayarkən tamamilə haqlıdır. Annalena Baerbok Birləşmiş Millətlər Sistemində itkin düşmüş şəxslər üçün xüsusi mexanizmin yaradılmasını da dəstəkləyib. Afrika, Avropa, Cənub-Şərqi Asiya və Amerikada baş verən hazırkı geostrateji şəraiti nəzərə alaraq BMT təcili olaraq böyük islahatlara getməlidir”. 

Ekspert əlavə olaraq, digər III dərəcəli ölkələrlə birlikdə, türkdilli xalqların da BMT – də səmərəli iştirakına icazə verilməli olduğunu vurğulayıb:

“Türkdilli xalqların öz milli maraqlarını BMT-nin tərkib hissəsi olan geniş təşkilatlar şəbəkəsində daha yaxşı ifadə etmələrinə imkan verilməlidir. BMT-nin hazırkı çərçivəsi köhnəlib, çox həssaslaşıb və onun yüksək rütbəli məmurlarının korrupsioner olmasına imkan verən bir çox boşluqlara malikdir. Keçmiş Baş Katib Kofi Annanın rəhbərlik etdiyi İraqda Ərzaq üçün Neft Proqramı BMT rəhbərliyinin səhlənkarlığı, şəffaflığı qadağan etməsi və BMT – nin böyük siyasi – iqtisadi güclərindən sui-istifadə etməsi bunun ən bariz nümunəsidir. Azərbaycan, Türkiyə Cümhuriyyətinin və Mərkəzi Asiyanın digər inkişaf etməkdə olan ölkələrinin səsi buna uyğun olaraq Birləşmiş Millətlər Təşkilatının forumunda yetərincə eşidilməyib”.

Əkbər Novruz