Parlament seçkiləri ilə bağlı müzakirələrin intensiv xarakter alması bir sıra partiyaları hərəkətə gətirib. Artıq REAL, Ümid, KXCP və Müsavat partiyaları hazırlıq işlərinə başladıqlarını bəyan ediblər. 

Bu barədə Azad Vətən Partiyasının sədri Akif Nağı Ednews-a danışıb.

Onun sözlərinə görə, Azad Vətən Partiyası seçkilərə hazırlıq prosesini heç vaxt dayandırmamışdı, yarandığı gündən parlamentdə yer tutmaq vəzifəsini qarşısına qoyub və bu istiqamətdə fəaliyyət göstərib.

"İndi, sadəcə, konkret addımlar atmağa başlayıb. Namizədliyi veriləcək şəxslərin siyahısını tərtib edir, ümumi şüarlarımız müəyyən edilir, namizədliklərin veriləcəyi təxmini dairələr dəqiqləşdirilir, bu və ya digər dairələrdə şanslarımız öyrənilir və digər işlər həyata keçirilir. Biz QAT oladaq 30 il ərzində milli maraqlar, Qarabağ naminə ictimai-siyasi hərəkatın önündə, xalqın içərisində, hüququ pozulanların yanında olmuşuq. Bizə müraciət edən şəhid ailələri, qazilər, veteranlar, məcburi köçkünlər, qaçqınlar, ümumiyyətlə, əli hər yerdən üzülüb bizə müraciət edənlərin hər birinin problemlərinin həllinə çalışmış, əksər hallarda nəticəyə nail olmuşuq. Biz insanların müraciət etdiyi ünvanlarda olmuşuq. Bu mənada partiyaların, demək olar ki, heç biri bizimlə müqayisə oluna bilməz. Bu gün də missiyamızı parlamentdə davam etdirmək istəyirik".

Oğuz