ABŞ Prezidenti Donald Tramp, TikTokun ABŞ-da qadağan olunub-olunmaması ilə bağlı qərarın verilməsi üçün 5 aprel tarixinə qədər satış razılaşmasının həyata keçirilməli olduğunu açıqlayıb. Yanvarda tətbiqin ABŞ istifadəçilərinə təqdimatı dayandırılıb, çünki yeni qəbul edilən qanuna görə, tətbiq satılmadığı halda qadağan ediləcəkdi.
Bu vəziyyət, TikTokun gələcəkdə ABŞ bazarına daxil olmaq üçün hansı şirkətlər tərəfindən alınacağına dair suallar doğurur. TikTok-un gələcəyi, eyni zamanda ABŞ-ın məlumat təhlükəsizliyi siyasəti və Çinlə gərgin əlaqələrinə bağlıdır. Tətbiqin satışı və qadağan edilməsi ilə bağlı müzakirələr hələ də davam edir, çünki bu qərar yalnız tətbiqin təsirini deyil, həm də ABŞ-ın beynəlxalq münasibətlərini və iqtisadiyyatını da əhatə edir.
TikTok, Trampın seçkiləri qazanmasından sonra yalnız bir neçə gün ərzində yenidən fəaliyyətə başladı. Prezident, tətbiqin satılması və ya qadağan edilməsi məsələsini 75 gün ərzində təxirə salan icra əmri imzaladı. Bu müddət ərzində, texnologiya şirkətləri, məşhurlar və investorlar TikTok-u almaq üçün yarışa başladılar.
Bəs, Tramp ABŞ-da TikToku qadağan etmək qərarını ləğv edib mi ?
İcra əmri, prezidentin qanunla təsdiq etdiyi təlimatdır. Tramp, TikTokun satılması və ya qadağan edilməsi məsələsini,seçkilərdən dərhal sonra,21 yanvarda imzaladı. Ancaq bununla belə, tətbiqin satılması və ya qadağan edilməsi məsələsi hələ də qeyri-müəyyəndir.
Bu, prezidentə, 17 yanvarda TikTokun qadağan edilməsini təsdiqləyən Ali Məhkəmənin qərarına qarşı çıxmaq imkanı tanıyır. Ali Məhkəmə isə qadağanın məqsədini belə izah edib: “Çin, "ByteDance"üzərindəki nəzarətini istifadə edərək ABŞ TikTok istifadəçilərinin şəxsi məlumatlarını ələ keçirməyə çalışır.”
TikTok ABŞ-da yenidən qadağan edilə bilərmi?
Tramp, TikTok-un satılması və ya qadağası ilə bağlı qərarın verilməsi üçün "ByteDance"a 5 aprel tarixinə qədər alıcı tapmaq imkanı tanıyıb. Əgər bu müddət ərzində razılaşma əldə edilməzsə, TikTok ABŞ-da yenidən qadağan edilə bilər və mobil tətbiq sırasından çıxarıla bilər.
Bununla belə,Tramp qanunun tətbiqini dəyişdirə və ədliyyə nazirliyinə onu icra etməmək barədə göstəriş verə bilər. Əgər hökumət, Apple və Google-a TikToku yükləyən istifadəçilərə qarşı cəza tətbiq etməmək barədə məlumat versə, bu, qanunun effektivliyini zəiflədə bilər. Fevralda, TikTok yenidən Google Play Store və Apple App Store-a daxil oldu, çünki onlar bu şirkətlərə tətbiqi saxladıqlarına görə cəza tətbiq edilməyəcəyinə dair təsdiq almışdılar.
ByteDance, uzun müddət TikToku satmağı planlaşdırmadığını bəyan etsə də, Trampın prezidentliyi dövründə bu mövzu hələ də mübahisəli olaraq qalır. Prezident 30 martda jurnalistlərə açıqlamasında, TikToku almağa maraq göstərən bir çox potensial alıcının olduğunu və bu məsələyə yüksək maraq olduğunu vurğulayıb. Mart ayında administrasiyasının bu məsələyə dair dörd fərqli şirkətlə danışıqlar apardığı bildirilib. Tramp, TikTokun ABŞ ilə ByteDance arasında bərabər paylara bölünmüş şəkildə satılmasını təklif edib.
Tramp, TikTokun "Oracle"şirkətinin qurucusu Larri Elison və "Tesla"nın CEO-su Elon Maska satılmasına müsbət yanaşdığını bildirib. Əvvəlki dövrlərdə TikTokun potensial alıcıları arasında milyarder Frank Kort və məşhur investor Kevin Levi də vardı."Reddit"in qurucusu Aleks Ohan, martda 'X 'platformasında Kortun təklifinə dəstək verdiyini açıqlayıb. Bununla yanaşı, dünyanın ən məşhur "You Tuber"i Cimmi Donaldson investorlarla əlaqə saxladığını və TikTokun alınmasında marağını bildirdikdən sonra bu müzakirələrdə iştirak etdiyini vurğulayıb.
Mədinə Məmmədova//EDnews
