Türkiyənin tanınmış teleaparıcısı Esra Gezginci Azərbaycan haqqında sənədli film çəkib.
Ednews xəbər verir ki, bu barədə Türkiyənin Azərbaycandakı səfirliyindən məlumat verilib.
“Möhtəşəm Azərbaycan” filmi Azərbaycanın folklorundan, mədəni irsindən, Qarabağın qədim tarixindən, eləcə də Azərbaycan və Türkiyə xalqlarının dostluğundan və qardaşlığından bəhs edir.
Gezginci qeyd edib ki, ümumilikdə o, türk dünyasının mədəniyyət paytaxtı Şuşaya həsr olunan 10 proqram hazırlayıb.
Artıq Türkiyənin NTV kanalında “Möhtəşəm Azərbaycan” filmi nümayiş etdirilib.
Qeyd edək ki, film aprelin 2-də Azərbaycanın İctimai televiziyasında yayımlanacaq.
