.png)
Almaniyalı tanınmış futbolçu Tomas Müller mövsüm başa çatdıqdan sonra “Bavariya” klubunu tərk edəcəyini açıqlayıb.
“EDnews” xəbər verir ki, bu barədə məlumat xarici media resurslarına istinadla yayılıb. 35 yaşlı təcrübəli hücumçu sosial şəbəkə hesabında etdiyi paylaşımda Münhen təmsilçisində qalmaq arzusunda olduğunu bildirib. Lakin klub rəhbərliyinin müqavilənin yenilənməməsi ilə bağlı qərarına hörmətlə yanaşdığını qeyd edib.
Karyerasının tamamını “Bavariya” klubunda keçirən Müller bu müddət ərzində komandası ilə bir çox uğura imza atıb. O, 12 dəfə Almaniya Bundesliqasının çempionu, 2 dəfə isə UEFA Çempionlar Liqasının qalibi olub.
Qeyd edək ki, 2024/2025 mövsümündə Müller 36 matçda meydana çıxıb, 5 qol vurub və 5 məhsuldar ötürmə ilə yadda qalıb
Şəms Qasımlı // EDnews
