Azərbaycan millisi finala bir addım qalanda – Dünya çempionatında həyəcanlı yarımfinal
Minifutbol üzrə keçirilən dünya çempionatında Azərbaycan millisi tarixi uğura bir addım daha yaxınlaşıb. Komandamız artıq yarımfinal mərhələsinə yüksəlib və final yolunda növbəti sınağa hazırlaşır.
EDnews xəbər verir ki, seçmə komandamız 1/4 finalda İngiltərə yığması ilə qarşılaşıb və 2:1 hesablı qələbə ilə yarımfinala adlayıb. Bu qələbə azarkeşlərə sevinc, futbolçulara isə motivasiya bəxş edib.
Yarımfinalda rəqibimiz Monteneqro millisi olacaq. Bu qarşılaşma komandamız üçün həm idman, həm də tarix yazmaq baxımından olduqca önəmlidir. Digər yarımfinal matçında isə Macarıstan və Serbiya komandaları qarşılaşacaq.
30 may – Yarımfinal mərhələsi:
Azərbaycan – Monteneqro
Macarıstan – Serbiya
Qeyd edək ki, çempionata 1 iyun tarixində yekun vurulacaq və həmin gün böyük final baş tutacaq.
Azərbaycan millisi bu temp və inamla davam edərsə, minifutbol üzrə dünya çempionu olmaq yolunda real favoritlərdən biri ola bilər.
Fatimə Şükürova // EDnews
