Ermənistan Parlamentinin spikeri Alen Simonyan parlament brifinqində 7 iyun parlament seçkilərindən sonra parlament seçkilərində iştirak etməyəcəyini açıqlayıb.
EDnews xəbər verir ki, bu barədə Ermənistan KİV yazıb.
O, spiker kimi fəaliyyətini davam etdirmək istədiyini, lakin partiya idarə heyətinin qərarını qəbul etdiyini bildirib.
Simonyan qeyd edib ki, dincəlmək istəyir:
"Bu, mənim üçün çətin bir dövr olub. Unutmayın ki, bu, seçkilərdən sonrakı parlament idi və həmkarlarımla birlikdə öhdəsindən gəldiyimiz bir çox çətinliklər var idi".
Parlament sədri bildirib ki, o, həmçinin nəhayət ki, şəxsi həyatını da qaydasına salmaq niyyətindədir.
O, həmçinin gələcək fəaliyyətini Baş nazir Nikol Paşinyanla müzakirə etmədiyini qeyd edib. Bununla belə, o, siyasi fəaliyyətini yalnız Vətəndaş Müqaviləsi partiyası daxilində və Baş nazirin komandası daxilində təsəvvür etdiyini bildirib.
Lakin siyasətçi ona prezident vəzifəsi təklif olunduğu barədə mediada yayılan məlumatları təkzib edib.
"Bu, absurddur. Mən bu barədə heç vaxt həmkarlarımla müzakirə etməmişəm", - deyə o bildirib.
Qeyd edək ki, Alen Simonyan 2021-ci ildən bəri parlament spikeri vəzifəsində çalışır. O, parlament seçkilərində "Vətəndaş Müqaviləsi" partiyasının siyahısında 14-cü yerdə idi.
