Çin və Rusiya hərbi dəniz qüvvələri "Birgə Dəniz-2026" adlı birgə təlim keçirəcək.
EDnews BAKU.WS- ə istinadən xəbər verir ki, bu barədə Çinin Müdafiə Nazirliyi məlumat yayıb.
Bildirilib ki, təlimlər Çinin şərqində, Şandun əyalətinin Çindao şəhəri yaxınlığındakı dəniz və hava məkanında baş tutacaq.
Məlumata görə, təlim proqramı başa çatdıqdan sonra hər iki ölkənin bəzi hərbi dəniz bölmələri Sakit okeanın müəyyən ərazilərində birgə patrul xidməti həyata keçirəcəklər.
Çin Müdafiə Nazirliyi qeyd edib ki, təlimlər iki ölkə arasında hərbi əməkdaşlığın gücləndirilməsi və dəniz qüvvələrinin qarşılıqlı fəaliyyət imkanlarının artırılması məqsədi daşıyır.
