Ukraynalı nazirlər müharibənin ikinci ildönümündən sonra bəyanatlarla çıxış ediblər.
Ednews ntv.com-a istinadən xəbər verir ki, Ukrayna nazirləri bu gün Rusiya ilə müharibənin ikinci ildönümündən bir gün sonra telekonfransda bəyanat veriblər .
Müdafiə naziri Rustem Umerov çıxışında Qərbin Ukraynaya göndərdiyi silahların 50 faizinin “vaxtında çatmadığını” bildirib.
Strateji sənayelər naziri Aleksandr Kamışin bəyan edib ki, Ukrayna keçən il silah istehsalını üç dəfə artırıb və hazırda ölkənin müdafiə sektorunda 500 şirkət çalışır.
Kamışin qeyd edib ki, bu işdə 100 dövlət və 400 özəl şirkət iştirak edir və Ukrayna bu il "sursat istehsalını əhəmiyyətli dərəcədə artırmağı" planlaşdırır.
Rəqəmsal nazir Mykhailo Fedorov da Rusiya qüvvələrinə qarşı döyüş meydanında istifadə edilən pilotsuz uçuş aparatlarının 90 faizinin Ukraynada istehsal olunduğunu bildirib.
Xəyal Ramiz
