Hikmət Rəhimovun yeni filmi "Apatiya"-nın təqdimatı 9 fevral 19:30-da "Flame Towers"-də baş tutacaq.
Ednews xəbər verir ki, Hikmət Rəhimovun ikinci tammetrajlı filmi sevgisiz böyüyən uşaq, onun valideynləri fonunda cəhalət, psxioloji/fiziki diktə, ailədaxili problemlər və müəmmalı qətl hadisəsi haqqındadır.
Aktyorlar Tural Baxış, Şəhla Əliyeva, Azər Aydəmir, Elşən Əskərov, İlqarə Tosova və digərləri yer alıb.
Filmdə savadsız və heç bir peşə sahibi olmayan, sevgisiz böyüyən Akifin valideynləri Əhməd və Elnarə Akifi məktəbdən çıxarıb ona iş axtarmaqla məşğuldular. Şəraitsiz evdə yaşayan yoxsul ailə Akifi işlə təmin etmək üçün onun maşın təmiri ilə məşğul olan, narkoman Azər əmisinə müraciət edirlər. Üstəlik, Elnarənin qardaşı, fəhlə işləyən Mənsur də bu kasıb ailəyə sığınıb ki, əlavə xərclərdən azad olsun. Bütün bu yoxsullğun, xaosun fonunda evdə qətl hadisəsi baş verir. Qətlə yetirilən şəxs gizlədilir və itkin düşmüş adam kimi həm qohumları, həm də polis tərəfindən axtarılır...
Qeyd edək ki, film ölkənin bütün kinoteatrlarında nümayiş olunacaq.
Oğuz
