Türkiyə Statistika Qurumunun (TÜİK) məlumatına görə, 2024-cü ildə sürial və film sektoru 602 milyon dollar həcmində ixracata nail olub.
“EDnews” xəbər verir ki, yerli istehsallar 150-dən çox ölkədə televiziya və rəqəmsal platformalar vasitəsilə 800 milyondan çox tamaşaçıya çatıb. Sektora 47 milyon lirədən çox dəstək ödənişi edilib.
Ticarət Nazirliyi tərəfindən serial və film sektoruna 2024-cü ildə əsasən xarici tədbirlərdə iştirak, reklam, tanıtım, marketinq, dublaj və altyazı xidmətlərini əhatə edən 47 milyon lirədən çox dəstək ödənişi ayrılıb. TÜİK-in məlumatına görə, 2024-cü ildə sektor 602 milyon dollar dəyərində ixracat reallaşdırıb. Minlərlə istehsal 150-dən çox ölkədə televiziya və rəqəmsal yayım platformaları vasitəsilə 800 milyondan çox unikal tamaşaçıya çatıb.
Nazirlikdən verilən açıqlamada, rəqabətin yüksək olduğu bölgələrdə satışların davam etdiyi vurğulanaraq bildirilib: "2025-ci ildə ABŞ, Braziliya, Rusiya, Çin Xalq Respublikası, Tayland, İndoneziya və Malayziyanın da daxil olduğu yüksək rəqabətli bazarlarda serial, film və animasiya istehsallarının satışı davam edəcək. Serial-film sektoru ixracatının əsasən həyata keçirildiyi bəzi Latın Amerikası ölkələri və xüsusilə MENA (Yaxın Şərq və Şimali Afrika) regionunda istehsalların pirat yayımlarla yayılmasına qarşı mübarizə aparılır. Ticarət nümayəndəliklərimiz vasitəsilə bu yayımların qarşısı alınır. 2025-ci ildə tanıtım və təqdimat tədbirləri təşkil edilən istehsalların reklam, tanıtım və marketinq dəstəyi çərçivəsində ilkin təsdiqlə dəstəklənməsi planlaşdırılır".
2024-cü ildə dəstək proqramlarının böyük bir hissəsinin xarici tədbirlərdə iştirak, reklam, tanıtım, marketinq və dublaj-alt yazı xidmətlərindən ibarət olduğu qeyd edilib. Açıqlamada bildirilib ki, 2024-cü ildə 5448 saylı qərar çərçivəsində dəstək qaydalarının daha effektiv tətbiqi üçün müraciət prosesləri sadələşdirilib və nəticədə dəstək müraciətlərində və tədbir sayında əhəmiyyətli artım müşahidə olunub:
"2025-ci ildə qlobal bazarda ilk 5-likdəki yerimizi qorumağı, nazirliyimizin Uzaq Ölkələr və İslam Ölkələri İxracatın İnkişafı Strategiyaları çərçivəsində bu bölgələrdə sektor nümayəndələrinin ticarət missiyalarını təşkil etməyi, nüfuzlu məzmun sərgilərinə milli və fərdi iştirak yolu ilə qatılan şirkətlərimizi dəstəkləməyi, animasiya sektoruna yönəlik ixrac hazırlıqlarını sürətləndirməyi, pirat yayımlarla mübarizə proseslərində sektora dəstək verməyi, yerli və regional rəqəmsal yayım platformalarında istehsallarımızın daha çox yer almasını təşviq edəcək işlər görməyi və sektorun öncədən maliyyələşdirilmə imkanlarını inkişaf etdirməyi planlaşdırırıq".
