Uorren Baffet (Warren Buffett) dünya miqyasında ən məşhur sərmayəçilərdən biridir. Onun investisiya yanaşması uzunmüddətli dəyər investisiyalarına sadiqliyi ilə tanınır. Portfel çeşitləndirməsi məsələsində o, ənənəvi maliyyə məsləhətçilərinin yanaşmasından fərqli fikirlər irəli sürür. Bu məqalədə Baffetin çeşidləndirmə yanaşmasını detallı şəkildə təhlil edəcəyik.
Adi maliyyə məsləhətçiləri investorları riskin azaldılması üçün portfellərini mümkün qədər çox çeşidləndirməyə təşviq edirlər. Lakin Baffet bu fikirlə tam razı deyil. O bildirir ki, geniş çeşidləndirmə orta səviyyəli investorları qorumaq üçün yararlı olsa da, peşəkar investorlar üçün o qədər də effektiv deyil.
Baffetin fikrincə, ən yüksək qazanc imkanları olan bir neçə keyfiyyətli şirkətə investisiya qoymaq, sərmayəni kiçik hissələrə bölməkdən daha faydalıdır. O vurğulayır ki, əgər bir investor həqiqətən də hansı şirkətlərin dəyərli olduğunu anlayırsa, riskin azaldılması üçün lazımsız çeşidləndirməyə ehtiyac yoxdur.
Baffetin çeşidləndirmə strategiyası
Baffet investisiya qoyarkən aşağıdakı strategiyalara üstünlük verir:
Dərindən analiz: O, bir şirkətə investisiya etməzdən əvvəl onun fundamental göstəricilərini təhlil edir.
Az, amma keyfiyyətli seçimlər: Portfelini onlarla aktivə deyil, sadəcə bir neçə güclü şirkətə yönəldir.
Uzunmüddətli baxış: Qısamüddətli bazar dalğalanmalarına əhəmiyyət vermədən perspektivli şirkətlərə uzunmüddətli sərmayə yatırır.
Çeşitləndirmənin riskləri və alternativ yanaşma
Baffetin yanaşması göstərir ki, çeşidləndirmə bütün hallarda faydalı olmaya bilər. Lakin bu strategiyanı uğurla tətbiq etmək üçün investorun bazarı və şirkətləri yaxşı anlaması vacibdir. Əks halda, səhv qiymətləndirilən şirkətlərə investisiya qoymaq ciddi risklər yarada bilər.
Amma...
Gördüyünüzü kimi, Uorren Baffetin portfel çeşidləndirməsi ilə bağlı fikirləri ənənəvi yanaşmalardan fərqlənir. O hesab edir ki, doğru şirkətləri təhlil edə bilən bir investor üçün çeşidləndirmə lazımsızdır. Amma bu yanaşma təcrübəsiz investorlar üçün riskli ola bilər. Hər bir investor bazar biliklərini artırmalı və fundamental analiz bacarıqlarını inkişaf etdirməlidir.
