Çarli Cavis tələbə kreditləri üzrə startup olan "Frank"in təsisçisidir. O, "JPMorgan"ı 175 milyon dollara aldatmaqda təqsirli bilinir. Beş həftəlik məhkəmə prosesindən sonra münsiflər heyəti, "Cevis Frank"in müştəri siyahısını şişirdərək "JPMorgan"ı aldatmasına dair prokurorların iddialarını təsdiqləyib.

“EDnews” xəbər verir ki, "JPMorgan" 2021-ci ildə "Frank"i alanda, startapın 4 milyon müştəriyə sahib olduğunu düşünürdü. Amma bank, test e-mailləri göndərdikdən sonra, faktiki müştəri sayının yalnız 300,000 olduğunu və göndərilən e-maillərin təxminən 70%-inin geri qaytarıldığını üzə çıxarıb. Cevis şirkətini satmaq üçün müştəri məlumatlarını saxtalaşdırmaq məqsədilə bir riyaziyyat professorunu işə götürüb və bu məlumatları "JPMorgan"a təqdim edib.

Müdafiə tərəfi isə bildirir ki, "JPMorgan"ın satınalmadan peşman olmasının səbəbi, maliyyə yardımı formalarının dəyişməsi ilə bağlı hökumət tələblərindəki dəyişikliklərdir. Cevis isə özünü günahsız sayır və məhkəmədə şahid qismində çıxış etməyib.

Hazırda 32 yaşında olan Cevis bir neçə ildən sonra həbs cəzası ilə üzləşə bilər. Cəzanın avqust ayında veriləcəyi gözlənilir.