Fransız Qvianasında əhalinin tam assimilyasiyası yalnız Fransa tarixi və mədəniyyətinə yönəlmiş təhsil sistemi sayəsində mümkün olub.

"EDnews"-un məlumatına görə, bu barədə Fransız Qvianasından olan Dekolonizasiya və Sosial Emanipasiya Hərəkatı (MDES) üzvü Dominik Monte "Kolonializm: Milli və dini kimliyin silinməsi" mövzusunda Bakıdakı beynəlxalq konfransda bəyan edib.

Monte bildirib ki, Fransa kolonial siyasəti yalnız Fransız Qvianasının sərvətlərinin talanmasına səbəb olmayıb, həm də bu xalqın azadlıq və kimliklərini itirməsinə yol açıb.

"Ondan adlarımızı, mədəniyyətimizi, adət-ənənələrimizi aldılar. Bizə yad dəyərlər tətbiq edildikcə, yad tarix və mədəniyyət qəbul etməyə məcbur edildik və öz köklərimizdən kəsildik", – deyə o vurğulayıb.

Lakin, Monte qeyd edib ki, son illərdə Fransız Qvianasında milli özünüdərk canlanmağa başlayıb.

"Getdikcə daha çox sakin öz köklərinə dönür, ənənəvi inanc, ulu əcdadların tarixi və mədəni irsə həsr olunmuş konfranslar keçirilir. İnsanlar özlərini afrodiaspora ilə əlaqələndirir, və bu, bizim həqiqi kimliyimizin bərpası yolunda vacib bir addımdır", – deyə MDES nümayəndəsi əlavə edib.

Şəms Qasımlı // EDnews