Öz qanunları, dini və yaşam tərzi olan Şimali Koreya... Hər ölkənin özünəməxsus qayda-qanunları var. Hətta qadağaları da...
Lakin sərt qadağaları ilə zəngin olan Şimali Koreya haqda çox az adam məlumatlıdır.
KXDR-də ağır həyat şəraiti haqqında çox eşitmişik. Şimali Koreyada qüvvədə olan ağlasığmaz 10 məhdudiyyət və qadağalar...
Mavi cins şalvar...
Bu ölkədə mavi rəngdə cins şalvar geyinmək qadağandır. Ölkədə brend olan bu şalvarların bütün dünya imperializmini təcəssüm etdirdiyinə inanılır. Buna baxmayaraq, turistlər göy rəngli cins şalvarda gəzə bilər, lakin Kim İr Sen və Kim Çen İrin abidəsini ziyarət etmək üçün qoyulan qadağaya riayət etmək mütləqdir.
Həyatımızın ayrılmaz hissəsi-internet...
Bəli, dünyadan xəbərdar olmağımız üçün istifadə etdiyimiz internet bu ölkədə qəti-qadağandır. Ölkənin yalnız daxili şəbəkəsi var ki, o da nəzarət altındadır. Ümumiyyətlə, KXDR-də Wi-Fi yoxdur.
Milli valyutadan istifadə...
Xarici vətəndaşlar nəsə almaq istərsə, o zaman yuan, Cənubi Koreya von, avro və hətta dollarla ödəniş edə bilər. Yeri gəlmişkən, Şimali Koreyada əcnəbilər adi mağazaya girə bilməz.
Mənzil alışı...
Əgər ağlınızda Şimali Koreyada yaşamaq kimi fikirlər mövcuddursa, bu fikirdən dərhal daşınmalısız. Ən azından mənzillər burada rəsmi olaraq daşınmaz əmlak paylama yolu ilə verilir. Qara bazarda mənzillər isə qeyri-rəsmi olaraq 70-90 min dollara satılır.
Nəqliyyat vasitəsi-avtomobil...
Heç bilirdiz ki, Şimali Koreyada yalnız məmurların avtomobili ola bilər? Yəni siravi vətəndaşların şəxsi maşın almaq kimi bir hüquqları yoxdur. Səbəblərdən biri isə maşınların inanılmaz dərəcədə baha olmasıdır. Yəni, orta hesabla təxminən 40 min dollara başa gəlir.
İstilik sistemi...
Koreyalılar evdə yuyunmaq yerinə, xüsusi hamamlara üz tuturlar. Çünki onlarda mənzillərdə istilik sistemi yoxdur. Hətta, Pxenyanda çoxmərtəbəli binalar belə soba ilə qızdırılır.
Çoxların sevimli içkisi Coca-Cola…
Bəli, düz oxudunuz. Rusiyada ixracına qadağa qoyulan Coca-Cola içkisi, Şimali Koreyada da isə əksinə idxalına qadağa qoyulub. Yəni, bir koreyalı bu içkinin dadından məhrumdur.
Xarici ölkələrə səyahət…
Bəzən insanlar ölkədən kənar dünya turuna çıxmaq istəyirlər. Hətta uzun iş həyatından sonra hər hansı bir səyahət arzusu ilə yaşayarlar. Lakin təəssüflər olsun ki, Şimali Koreya vətəndaşları ilin 12 ayı, hətta ömürlərinin sonuna qədər Şimali Koreya daxilində sayəhətə məhkumdurlar.
Foto şəkillər…
Yol gedərkən, nəisə tarixə almaq üçün bir şəkil çəkmək ürəkdən keçər. Amma siz bilirdiniz ki, Şimali Koreyada hər hansı bir vətəndaşın foto şəklini çəkmək qəti-qadağandır. Nəniki şəkil, hətta onlarla ünsiyyətə belə girə bilməzsiz. Ölkədə xüsusi yerli bələdçilər vardır ki, buna icazə verməyəcəklər.
Son olaraq, bəzi əczanələrdə satılan qoruyucu və xanımlar üçün gigiyenik vasitələrin satışı və alışı qəti-qadağandır.
Yəni, bu ölkədə bizim nənə-babalarımızın həyat tərzi, hələ də yaşanmaqdadır.
Rəna Mürşüd