Dünyaca məşhur film ulduzu Merilin Monronun əlyazma qeydləri və zinət əşyaları da daxil olmaqla şəxsi əşyalarının kolleksiyası hərraca çıxarılacaq.
Ednews xarici mediaya istinadən xəbər verir ki, noyabr ayının 19-u və 20-də Los Ancelesdə baş tutacaq “Julien's Auctions”-da baş tutacaq hərracda ulduzun şəxsi əşyalarının qiyməti 2-4 milyon arasında dəyişəcəyi bildirilib.
Hollivudun Qızıl dövrünün ən məşhur ulduzlarından biri olan Monro vəsiyyətində mentoru Li Strasberqə çoxsaylı əşyalarını yadigar qoyub.
“Julien's Auctions”-in verdiyi açıqlamaya görə əşyalar heç vaxt hərrac siyahısında olmayan və Ceyms Din, Al Paçino, Cek Nikolson və Ceyn Fonda kimi ulduzlara dərs deyən Strasberq tərəfindən satışa çıxarıldığını söyləyib.
Strasberqin həyat yoldaşı Anna Strasberg verdiyi açıqlamada, Merilinin həyatı boyu mürəkkəb və cazibədar bir qadın olduğunu, pərəstişkarlarının onun həyatı haqqında fərziyyələr söyləyərək nəticə çıxarmağa çalışdığını bildirib.
Qeyd edək ki, hərracda kiçik ölçülü ziyafət çantası, iki 10 sentlik sikkə, səkkiz ədəd “Philip Morris” siqareti, qırmızı rəngli "Bachelor’s Carnation" və eyni rəngli "Revlon" dodaq boyası satışa çıxarılacaq. İlkin ehtimallara görə dodaq boyası 15.000-20.000 dollar arasında satışa çıxarılacağı gözlənilir. Hərracda diqqət çəkəcək başqa bir əşya isə qiyməti 80.000-120.000 dollar arasında olan platin almaz “Blancpain” saatıdır.
Nəzrin Beydiyeva
