Qəribə dizayna malik olan memarlıq nümunələri - ARAŞDIRMA - ednews.net

14 Avqust,

(+994 50) 229-39-11

Qəribə dizayna malik olan memarlıq nümunələri - ARAŞDIRMA

Maraqlı A- A A+
Dünyada mövcud olan yeni və tarixi baxımdan maraqlı binalar hazırda öz aktuallığını qoruyub saxlayır. İnsanların keçmişdən bu günə qədər inşa etdikləri və toxunulmaz saxlaya bildikləri bu memarlıq nümunələri görən hər kəsi valeh edir.
 
Sözügedən binaların istər xarici, istərsə də daxili dizaynı  bizi ən azı 1 dəqiqə belə olsa düşünməyə vadar edir.
 
Ednews görənləri heyrətə gətirən memarlıq abidələrini təqdim edir: 
 
Mərkəzi Georges Pompidou (Paris)
 
Parisdə kitabxana kimi istifadə edilən və düzbucaqlı prizmalar şəklində inşa edilən bu bina olduqca valehedici memarlıq nümunəsi hesab edilir. 1977-ci ildə yüksək texnologiyalı memarlıq üslubunda tikilmiş binanın dizaynı Renzo Piano və Riçard Rocers tərəfindən hazırlanıb. Parislilərin Beabourg (dandy) mərkəzi adlandırdıqları bina 100 000 000 dollara başa gəlib.
 
Burj Al Arab (Dubay)
Memarlığı və gecə mənzərəsi ilə məşhur olan bu otel dünyanın ilk 7 ulduzlu otelidir. Qeyd edək ki, bina dənizə endirilən böyük qaya bloklarından əmələ gələn adada tikilib. Ərəblərin adına görə “Ərəb qülləsi” adlandırılması ilə yanaşı, tikiliyə “Yelkən oteli” də deyilir. Dünyanın ən maraqlı və qəribə arxitekturasına malik olan "Burj Al Arab"  hər il milyonlarla turist qəbul edir.
 
La Casa Mila (Barselona)
Dünya irsi elan edilən bu binanın adının mənası "daş karxanası" deməkdir. Əfsanəvi memar Antoni Qaudinin imzasını daşıyan bina Barselona şəhərinin Eixample rayonunda Passeig de Qràcia küçəsində yerləşir.
 
Əyri Ev (Sopot)
Maraqlı və qəribə görkəmi ilə insanları təəccübləndirən digər tikili "Əyri ev"dir. Hazırda ticarət mərkəzi kimi istifadə olunan və Polşanın Sopot şəhərinin məşhur Monciak küçəsində yerləşən bina Memar Szotinsi Zaleski tərəfindən tikilib. Qeyd edək ki, binanın tikintisində Marcin Szancerin rəsmlərindən ilham alınıb.
 
Yəhudi Muzeyi (Berlin)
 
İki tikilidən biri məhkəmə binası, digəri isə muzey üçün tikilib. Bu, Berlinin yenidən qurulması zamanı ucaldılan ilk binalardan biridir. Qeyd edək ki, muzey 2001-ci ildə icitimaiyyətə təqdim edilib.
 
Denver İncəsənət Muzeyi (Denver)
 
Özünəməxsus Həndəsi strukturda inşa edilən muzey, yaxınlıqdakı dağların zirvələrini əks etdirən titanla örtülmüş bucaqlardan ibarətdir. Yeni Frederic C. Hamilton Binası, Michael Graves tərəfindən layihələndirilən Denver İctimai Kitabxanasına bitişik, italyan memarlar Gio Ponti və James Sudler Associates tərəfindən dizayn edilmiş iki qülləli Şimal Binasının cənubunda yerləşir.
 
Nəzrin Beydiyeva
 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...