Bəzi meyvələr dərhal soyuducuya qoyulmalı, bəziləri qaranlıqda, bəziləri isə otaq temperaturunda saxlanmalıdır. Biz qidaların çoxunu təzəliyini qorumaq üçün soyuducuda saxlamağa öyrəşmişik. Lakin hər yeməyi soyuducuda saxlamaq düzgün deyil. Ərik, armud, avokado, banan, kivi, qovun, , şaftalı, xurma, ananas, gavalı, heyva otaq temperaturunda qaldıqda yetişməyə davam edir. Onlar tam yetişdikdə soyuducuda saxlanıla bilər. (bananların qabığı qaralaşsa belə, meyvəsi xarab olmur)
Ednews habertürkə istinadən xəbər verir ki, çörək, yaşıl lobya, qəhvə soyuducuda saxlayırsınızsa, səhv edirsiniz! Düzgün saxlanmayan qidalar çox qısa müddətdə xarab olur.
Kartofun soyuducuya qoyulması onun dadını itirməsinə səbəb olur. Odur ki, kartofunuzu soyuducuya qoymaq əvəzinə, sərin yerdə saxlayın. Kartof aşağı istilikdə saxlandıqda şəkərə çevrilir. Buna görə də dadlarını itirir və ağızda şirin bir dad qoyurlar. Lifli quruluşu itirildikdə də yumşalır.
Soyuducu pomidor üçün yaxşı saxlama yeri deyil, çünki soyuq hava yetişmə prosesini dayandırır.
Sarımsaq və soğan soyulursa, otaq temperaturunda saxlanmalıdır. Kartofdan ayrı saxlayın, çünki kartof etilen buraxır, bu da soğanın cücərməsinə səbəb ola bilər. Sarımsağın və soğanın ən yaxşı dostu qaranlıqdır.
Şokolad aşağı temperaturda dadını itirir. Şokoladı soyuducuda saxladığınız zaman onun üzərində ağ təbəqə görmüsünüz... Üstəlik, qoxuları tez udur. Bu səbəblə soyuducuda saxladığınız digər qidaları şokoladdan dadmaq olar.
Badımcan soyuğa çox həssasdır. Soyuducuda saxlanılan badımcanlar yumşalacaq, ona görə də onları otaq temperaturunda saxlamaq daha yaxşıdır. Badımcan çox zərif tərəvəzdir. Aşağı temperaturda suvarılır və isti havada quruyur.
Soyuq və rütubət balın kristallaşma sürətini artırır. Soyuducuda saxlanılan bal dadını və faydasını itirə bilər. Aldığınız bal təbiidirsə, onu otaq temperaturunda, qaranlıq yerdə, əbədi olaraq xarab olmadan saxlaya bilərsiniz.
Bəzi insanlar çörəyi soyuducuda saxlamağın onu təzə saxlamağın ən yaxşı yolu olduğunu düşünür. Lakin bu doğru deyil. Çörəyi bir neçə gün ərzində istehlak edəcəksinizsə, soyuducuda saxlamağa ehtiyac yoxdur.
Qəhvə soyuducuda saxlanmır, çünki digər qidaların qoxuları qəhvəyə nüfuz edir və onun dadını itirir. Qəhvəni sərin, qaranlıq yerdə saxlayın.
Yaşıl lobyaları soyuducuya qoymaq onların faydalarını itirməsinə səbəb olur. Yaşıl lobyaları dondurub dadını itirmədən il boyu istehlak edə bilərsiniz.
Məşhur aşpaz Ceyms Martin qatıldığı televiziya şousunda heç vaxt soyuducuya yumurta qoymadığını deyib. O, izah etdi ki, yumurta qabıqları məsaməlidir, soyuducuda olan bütün ləzzətləri udacaq, ona görə də onların dadları dəyişə bilər. Buna görə də yumurtaları soyuducuda deyil, quru və sərin yerdə saxlamağın daha yaxşı olduğunu söylədi.
Aynurə İsmayılqızı
