Alimlər əvvəllər görünməmiş bölgədən gələn sirli radio siqnalların səbəbini müəyyən ediblər.
“EDnews” xəbər verir ki, elm adamları bildirib ki, 10 ildir ki, böyük ayı bürcündən müntəzəm olaraq hər iki saatdan bir radio siqnalları qəbul edilir. Müşahidələr və müxtəlif teleskoplardan əldə edilən məlumatlar bu siqnalların mənbəyi haqqında yeni ipuçları verib.
Mütəxəssislər siqnalların iki ölü ulduzdan gəldiyini hesab edirlər. Onlardan biri qırmızı cırtdan ulduz, digəri ağ cırtdan ulduzdur. Güman edilir ki, bir-birinin orbitində fırlanan bu ulduzlarların maqnit sahələri qarşılıqlı əlaqədə olduğu üçün hər iki saatdan bir toqquşaraq radiosiqnallar yayır. İndiyə qədər belə uzun radio siqnalların yalnız neytron ulduzlarından qaynaqlandığı hesab edilirdi.
