Ermənistanın növbəti təxribatı Azərbaycanın haqlı olaraq sərt reaksiyası Cənubi Qafqazda yeni eskalasiyanın başlanması kimi şərh edilir. Rusiyadan üz çevirən Ermənistanın bu məkrli planı bilərəkdən bölgədə sülhü pozmaq cəhdi kimi qiymətləndirir. Heç kəsə sirr deyil ki, regiondan Rusiyanı sıxışdırıb çıxarmaq istəyən Qərb, Azərbaycana qarşı hərtərəfli təzyiq mexanizmini işə salıb.

Bəs bu regionda yeni hərbi qarşıdurmanın başlamasına şərait yarada bilərmi?

Siyasi analitik Murad Sadəddinov hesab edir ki, Cənubi Qafqazda yenidən böyük müharibənin alovlanması üçün o qədər də ciddi əsaslar yoxdur. O, bu fikirləri Ednews-a açıqlamasında bildirib.

“Ona görə ki, daimi olaraq Cənubi Qafqazda bu cür proseslərin dəstəkləyən Ermənistan olub. Amma Ermənistan 44 günlük müharibədən və son antiterror tədbirlərindən sonra Ermənistanın istər iqtisadi, istərsə də hərbi potensialı buna imkan vermir. Proqnozlaşdırmaq üçün deyə bilərəm ki, qarışıdurmanın, savaşın ehtimalları həddindən artıq güclüdür. Lakin Ermənistan tərəfi, xüsusi olaraq onun arxasında dayanan qələbəmizi qəbul etməyən qüvvələr daimi olaraq Ermənistanı vasitə kimi istifadə edib”.

Ekspert həmçinin təxribatlara yol açan səbəblərdən də danışıb. Onun sözlərinə görə bu əsasən Azərbaycana qarşı dünyada qarayaxma kampaniyasını həyata keçirtmək məqsədi daşıyır. 

“Ermənistanı silahlandırmaq, oradakı saxta Avropa müşahidəçi missiyasının sayını artırmaq kimi məqsədləri həyata keçirmək üçün bu cür təxribatlara ehtiyac var”.

Oğuz