Ermənistanda VOMA, “Səlibçilər”, “Yerkrapa” kimi terror təşkilatları və ya silahlı qruplaşmaların fəallığı müşahidə olunur. Son təxribatın iştirakçılarından biri elə “Yerkrapa” idi. Bu aktivlik nədən irəli gəlir?

Məsələ ilə bağlı Ednews-a açıqlamasında politoloq Qədir Aslan bildirdi ki, Ermənistan özünü qruplaşmaların mövcud olduğu Orta Şərq ölkələri kimi aparır. 

“Dünya təcrübəsində ölkələr digər ölkələri bu mənada ağıllandırmaq, doğru yolu göstərmək üçün şantaj alətindən də istifadə edirlər. Məsələn, həmin dövlətin qoşun növlərini ümumilikdə, terror təşkilatı edəcəyini bildirirlər. Azərbaycanın da Ermənistan silahlı qüvvələrini terror təşkilatı elan etmək kimi haqqı da var. Belə olan halda artıq məsələ başqa bir məcraya daxil olur. Bu o demək deyil ki, Azərbaycan belə addım atacaq. Bu sadəcə fərziyyədir. Bundan əlavə demək lazımdır ki, Ermənistan tək VOMA təşkilatı yaxud da “Yerkrapa” deyil, həmçinin öz ərazisində Artsax izinin qorunub saxlanılması komitəsi var ki, məsələnin siyasi qolu da var. Dövlət içində başqa bir dövlət – kvazi dövlət qurumları yaranır. Bu isə Azərbaycanın heç bəyənmədəyi və sülh prosesinə əhəmiyyətli zərbə vuran məsələlərdəndir. Mənə elə gəlir ki, bu yaxınlarda Paşinyan VOMA-ları ölkədən qovmaq məcburiyyətində qalacaq. Başqa yolu yoxdur”.

Oğuz