İsveç parlamentində Azərbaycana qarşı qərəzli fikirlər səsləndirilib.

Ednews xəbər verir ki, parlamentin üzvləri – solçu cərəyanından olan Yoar Forsell və Hakan Svennilinq Azərbaycana qarşı Qərbdə dəb halına çevrilən qarayaxma kampaniyasını davam etdiriblər.

İlk çıxışı edən “Sol” partiyanın təmsilçisi Hakan Svennilinq olub. Yoar Forsell isə Hakan bəyin qarşısında “Liberal” partiyanın təmsilçisi olaraq çıxış edib.

Hakan “bəyin” arqumentinə əsasən hazırki İsveç höküməti keçmiş hökümət partiyası Sosial Demokratların Azərbaycanın bir sıra şirkətləri ilə imzaladığı əməkdaşlıqları inkişaf etdirmək niyyətindədir. Millət vəkili isə bu fikirə qarşı çıxaraq, Azərbaycanı Rusiya ilə müqayisə edərək, ondan daha korrupsioner və demokratik cəhətdən məhdud ölkə olduğu haqqında ittihamlar irəli sürüb.

Bu səbəbdən o, dolayı yolla Azərbaycan ilə əməkdaşlığa son qoyulmasına çağırıb.

Hökümətdə hakim “Moderat” partiyası ilə birgə çalışan “Liberal” partiyasının üzvü Yoar Forsell də bu fikri dəstəkləyərək, demokratiyanın dəstəyinə çağırış edib.

Bununla yetinməyən “demokrat carçıları” çıxışlarında Azərbaycana qarşı daha da irəli gediblər. Onlar guya 2011-ci ildə Almaniyada keçirilən Avroviziya mahnı müsabiqəsində Azərbaycanda yaşayan 43 nəfərin ermənilərə səs verdiklərini və buna görə təhlükəsizlik xidmətləri tərəfindən həbs edildikləri kimi absurd fikirlər də səsləndiriblər.  Bununla da siyasətçilər Qərbin Azərbaycana qarşı yürütdüyü siyasi xəttinə sadiq olduqlarını bir daha sübut ediblər.

Əkbər Novruz