Ermənistan Baş naziri Nikol Paşinyan 4 kəndin qaytarılması, sərhəd və sülh məsələləri barədə pozitiv sayıla biləcək açıqlamalar verdi, həmçinin düşmənçiliyə son qoymaq, Azərbaycanla əlaqələr qurmaq istədiyini söylədi. Bəs onun bu yöndə bir hərəkət planı varmı, nəhayət, onun səmimiyyətinə inanmaq olar?

Mövzu ilə bağlı Ednews-a danışan politoloq Natiq Miri bildirdi ki, bu sadəcə Paşinyanın səmimiyyətindən irəli gələn məsələ deyil. Onun sözlərinə görə, bu artıq Paşinyan və hökumətin rellıqları anladıqları və bunun alternativinin Ermənistanın maraqlarına uyğun olmadığını anlayıblar:

“Dolayısı ilə məcburiyyətində irəli gələn addımdı və əsas hadisə 5 apreldə Brüsseldə ABŞ-Aİ-Ermənistan rəhbərliyi altında olan görüş oldu. Çünki görüşdən sonra Paşinyan anladı ki, heç bir güc mərkəzi Ermənistanın problemlərini həll edəcək deyil. Bu güc vasitələri mərkəzlərilə Azərbaycana təzyiq yolu ilə istədiklərinə nail olmaq siyasəti uğursuz olacaq. Bunu anladıqdan sonra dərhal müxtəlif müstəvilərdə hərəkətə keçdilər, müəyyən anlaşamlar da əldə edildi. Bunun alternativini də bilirlər ki, torpaqlar əgər sülh yolu ilə qaytarılmazsa Azərbaycan güc yolu ilə qaytaracaq. Toqquşma da həm insan, həm də ərazi itkiləri ilə Ermənistana ağır nəticələr verə bilər. Bu da hökuməti ictimai rəydə çox çətin vəziyyətə qoya bilər”.

Oğuz