Bu gün Haaqada keçirilən Beynəlxalq Ədalət Məhkəməsində Azərbaycan Respublikasının Xarici İşlər Nazirinin müavini Elnur Məmmədov Ermənistan tərəfinin iddialarına qarşı çıxış edib.
Ednews xəbər verir ki, Elnur Məmmədov Ermənistanın iddialarının əsassız olduğunu bildirərək, ölkə ərazisinin ekologiyasına ciddi zərər vurduğunu bildirib:
“Ermənistan öz ərazisində yaşamış azərbaycanlıların öz doğma torpaqlarına qayıtmasına icazə vermədi. Lakin, məhkəmə zamanı Ermənistan tərəfi Azərbaycanı irqçilik və ədalətsizliklə günahlandırır. Azərbaycan hazırda Ermənistanın 30 ilə yaxın işğal altında saxladığı torpaqları hərbi tələlərdən və minalardan təmizləmək üçün fəaliyyət aparır. Buna baxmayaraq, hələ də bu ərazilərin minalardan təmizlənməsi tamamlanmayıb. İşğal dövründə Ermənistan Azərbaycanın ətraf-mühitinə, ekologiyasına ciddi zərər vurub. Azərbaycan 2020-ci ildə ərazilərin işğaldan azad edilməsindən sonra şəhərlərinin xarabalığa çevrildiyini, mədəniyyət abidələrinin dağıdıldığını və ermənilərin ətraf-mühiti viran qoyduğunu görüb.
Ermənistanİkinci Qarabağ müharibəsindən sonra da Azərbaycana qeyri-dəqiq mina xəritələri verib. Bu səbəblə bir çox minaaxtaran həyatını itirib. Bundan başqa, Ermənistanın Azərbaycan əsgərlərinin ekstremist şəkildə hərbi əməliyyatlar aparması iddiası da heç bir əsasa dayanmır”.
Fərid
