Beynəlxalq Avrasiya Mətbuat Fondunun prezidenti Umud Mirzəyev banqladeşli, Nobel mükafatı laureatı Məhəmməd Yunusa dəstək məktubu ünvanlayıb.

Ednews məktubun mətnini təqdim edir: 

“Son günlər Banqladeşdə gedən prosesləri çox böyük həyəcanla izləyirik. Artıq uzun müddətdir ki, Banqladeş xalqı öz taleyi uğrunda mübarizə aparır. Bu gün Benqal xalqı çox böyük bir imtahan qarşısındadır. 

Biz hər zaman Sizi xalq birliyinin önündə əsas sülh çağırışçısı kimi görmüşük və dəstəkləmişik. Banqladeş istiqlal müharibəsi (1971) zamanı da siz irəlidə olduğunuz kimi indi də bu mübarizənin içərisindəsiniz. Siz təkcə öz xalqınız üçün yox, bütün bəşəriyyət üçün sülh və əmin amanlıq yaratmağa çalışan azsaylı insanlardan birisiniz.  

Hazırda baş verən hadisələr zamanı həyatını itirən günahsız insanlara görə məyusuq. Ancaq, inanırıq ki, qısa zamanda ədalət bərqərar olacaq. Sizə və xalqınıza sülh və uğurlar arzu edirik”.

Qeyd edək ki, Məhəmməd Yunusun tələbələri onun Banqladeşin müvəqqəti hökumətin baş məsləhətçisi olması barəsində dövlətə təklif irəli sürüblər. 

Bu gün etirazçılar Banqladeşin Baş naziri Şeyx Hasinanın Dəkkdəki rəsmi iqamətgahına basqın ediblər. Hasina istefa verib və ölkəni tərk edərək Hindistana qaçıb. O, İngiltərədən sığınacaq istəyib. 

Oğuz