Tovuzda mal bazarında silah arsenalı tapılıb - FOTO | Eurasia Diary - ednews.net

15 Sentyabr,


Tovuzda mal bazarında silah arsenalı tapılıb - FOTO

Cəmiyyət A- A A+

Tovuz rayonu, Aşağı Quşçu kəndi ərazisində yerləşən köhnə mal bazarında silah arsenalı aşkarlanıb.

Ərazilərin Minalardan Təmizlənməsi üzrə Milli Agentlikdən (ANAMA) Eurasia Diary-ə verilən xəbərə görə, DİN-in “102” Xidməti-Zəng mərkəzi sistemindən yuxarıda adı çəkilən ərazidə mərminin tapılması barədə məlumat daxil olub.

ANAMA-nın xüsusi mobil çevik əməliyyat qrupu və Daxili İşlər Nazirliyinin Tovuz rayon Polis şöbəsinin əməkdaşları əraziyə gələrək buraya baxış keçiriblər.

Aparılan təcili təxirəsalınmaz əməliyyat-axtarış tədbirləri nəticəsində 16 ədəd əl qumbarası (8 ədəd RQD-5, 5 ədəd RQ-42, 2 ədəd F-1 və 1 ədəd M-75), 16 ədəd əl qumbarasının partladıcısı (15 ədəd UZRQM və 1 ədəd VBR M-75), 1 ədəd tank əleyhinə RKQ-3M əl qumbarası və 2 160 ədəd 5.45 mm-lik patron aşkar olunub.

Silah-sursat zərərsizləşdirilmək üçün Agentliyin mərkəzi məhvetmə ərazisinə daşınıb.

 
 
 
 

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...