Aprelin 9-da Azərbaycan əsilli Britaniyalı politoloq Alexandr Nekrasov Londonda vəfat edib.
EDNews.net xəbər verir ki, cümə axşamı Kremlin keçmiş baş məsləhətçisi Alexandr Nekrasov Londonda koronavirusa yoluxmuş baş nazir Boris Consonun vəziyyəti ilə bağlı canlı yayımlanan reportajını bitirdikdən sonra 63 yaşında qəflətən vəfat edib.
Qeyd edək ki, Aleksandr Nekrasov görkəmli şərqşünas, tarixçi, türkşünas və filoloq Mirzə Kazım bəyin nəticəsi idi.
Oğlu, 35 yaşlı Alex keçmiş sovet jurnalistinin dünən insult nəticəsində öldüyünü təsdiqləyib. Nekrasov bu həftənin əvvəlində dünyasını dəyişdiyi Kral dövlət Xəstəxanasında müalicə olunurdu. Ötən ay onun oğlu Hampstedəki Kral dövlət Xəstəxanasında, COVID-19 pandemiyası ilə mübarizə aparan həkimlər üçün pul toplamışdı. Londonda anadan olub böyüyən və aparıcı New Century agentliyinin İctimaiyyətlə Əlaqələr üzrə direktoru olan oğlu atasında koronavirus infeksiyasının aşkar edilib-edilməməsi sualı barədə dəqiq bir söz deməyib.
Aleksandr Nekrasovun oğlu Alex Nekrasov
Son illərdə Nekrasov tez-tez həm Rusiya daxilində Kreml dövlət televiziyasında, həm də RT-nin İngilis dili bölməsində ekspert kimi çıxış edirdi.
Aleksandr Nekrasovun cümə axşamı, ölümündən əvvəl son dəfə TV tok-şousundakı çıxışı
"Onun ölüm xəbəri məni sarsıtdı, onun üçün çox darıxacağam. O hər zaman açıq insan idi, bəzən ziddiyyətli, lakin həmişə ədalətli idi", - deyə Nekrasovun Rusiyalı köhnə dostu, ictimaiyyətlə əlaqələr üzrə icraçı direktor Terri Franklin bildirib.
Qeyd edək ki, Nekrasov Londona atası İngiltərəyə göndəriləndə hələ uşaqkən gəlmişdi. O, Moskva Dövlət Universitetində beynəlxalq münasibətlər üzrə təhsil alıb. Burada siyasət, beynəlxalq hüquq və iqtisadiyyat ixtisaslarını oxuyub. Universiteti bitirdikdən sonra Rusiya dövlət xəbər agentliyi TASS-da əvvəlcə jurnalist, sonra isə siyasi ekspert kimi fəaliyyət göstərib. Sovet dövrünün sonuna qədər London Siyasi Müxbiri vəzifəsində çalışıb. 1989-cu ildə agentliyin London ofisində İngiltərədəki və Avropadakı mühüm hadisələri işıqlandırmışdır. Ancaq 1990-cı illərin ortalarında Kremldə məsləhətçi vəzifəsinə təyin edildiyi üçün jurnalistikanı tərk edir.
“Rus ruleti” və “KGB Novellaları” kitablarının müəllifidir. Aleksandr Nekrasov, həmçinin xeyriyyəçilik fəaliyyəti ilə də məşğul olub. Mərhuma Allahdan rəhmət, ailəsi və yaxınlarına başsağlığı diləyirik.
