“WhatsApp” messencerində bu gün baş verən nasazlıqların səbəbi məlum olub.
Ednews xəbər verir ki, bu barədə “Bloomberg“ açıqlama yayıb.
Açıqlamada bunun “Meta” şirkəti tərəfindən buraxılan texniki səhvdən qaynaqlandığı bildirilib.
“Biz bilirik ki, insanlar bu gün "WhatsApp"da mesaj göndərməkdə çətinlik çəkiblər. Problemi aradan qaldırdıq və yaranan narahatlığa görə üzr istəyirik. Qısamüddətli problem bizim tərəfimizdən texniki nasazlığın nəticəsi idi”, - deyə “Meta”dan bildirilib.
Qeyd edək ki, bu gün səhər saatlarından etibarən “WhatsApp”messencerində yaranan nasazlıq dünyanın əksər ölkələrində müşahidə olunub.